Big Boss House : బిగ్బాస్ హౌస్.. బుల్లితెర మీద ఒక సంచలనం అనే చెప్పాలి. తెలుగులో కూడా బిగ్బాస్ విజయవంతంగా అయిదు సీజన్లు పూర్తి చేసుకుంది. అంతేకాదు బిగ్బాస్ ఓటీటీ కి కూడా అభిమానుల నుండి మంచి ఆదరణ లభించింది. బుల్లితెర మీద ఇప్పటికే 5 సీజన్లు పూర్తి చేసుకున్న బిగ్బాస్ ఆరవ సీజన్ కి సిద్ధమవుతోంది. సెప్టెంబర్ 4న ఆరవ సీజన్ ప్రేక్షకుల ముందుకు రాబోతుండగా అభిమానులు ఎదురుచూస్తున్నారు. బిగ్ బాస్ హౌస్ లోకి కంటెస్టెంట్ లుగా వెళితే డబ్బు తో పాటు క్రేజ్ సంపాదించుకోవచ్చు, దీని వల్ల ఇండస్ట్రీలో అవకాశాలు క్యూ కడతాయి అనుకునే వారు. కానీ తాజాగా కొంతమంది కామెంట్ల వలన ఇది తప్పు అనే భావన కలుగుతోంది.
బిగ్బాస్ హౌస్ లోకి వెళితే డిప్రెషన్ పక్కా…
బిగ్బాస్ హౌస్ లో మా నడవడిక, చేసే పనులను బట్టి మా మీద ఒక అభిప్రాయాన్ని ఏర్పారుచుకోవడమే కాక, బయటకు వచ్చాక ట్రోలింగ్స్, నెగిటివ్ కామెంట్స్ తో డిప్రెషన్ లోకి వెళ్తున్నాము అని గత బిగ్బాస్ హౌస్ కంటెస్టెంట్ లు అయిన గీతా మాధురి, వితిక సెరు కామెంట్లు చేయడం తెలిసిందే. ఇక ఈ మధ్య సీజన్ 2 కంటెస్టెంట్ తేజస్వి మడివాడా అయితే మరో అడుగు ముందుకు వేసి కౌశల్ ఆర్మీ వలన డిప్రెషన్ లోకి వెళ్లి మందుకు బానిస అయ్యాను అని సంచలనంగా మాట్లాడింది.
ఇక ఇపుడు నాలుగవ సీజన్ కంటెస్టెంట్ అయిన సింగర్ నోయల్ బిగ్ బాస్ హౌస్ నుంచి చివర్లో అనారోగ్య కారణాల వలన బయటకు వచ్చిన సంగతి తెలిసిందే. తాజాగా ఒక ఇంటర్వ్యూలో పాల్గొన్న నోయల్.. బిగ్బాస్ గురించి అడుగగా.. ఇద్దరు వ్యక్తుల మధ్య గొడవలు జరగడం, అవతలి వ్యక్తి డిప్రెషన్ లోకి వెళ్లడం జరుగుతుంది. ఇక మనం కూడా గొడవ వలన డిప్రెషన్ లోకి వెళతాం. ఇక్కడ డిప్రెషన్ లోకి వెళ్లడం అయితే పక్కా.. అని చెప్పుకోచ్చాడు. వీళ్ళ కామెంట్లు విన్న నెటిజన్లు మాత్రం బిగ్బాస్ కి వెళితే డిప్రెషన్ లోకి వెళతారేమో అన్న అనుమానాలు వ్యక్తపరుస్తున్నారు.
