ప్రస్తుతం తెలుగులో ప్రసారం అవుతున్న అతిపెద్ద బిగ్ రియాల్టీ షో బిగ్ బాస్. ఇప్పటికే నాలుగు సీజన్లు విజయవంతంగా పూర్తి చేసుకొని.. ఐదో సీజన్ కూడా ఆరు వారాలు పూర్తి చేసుకుంది. ఆరో వారంలో ఇద్దరిని హౌస్ నుంచి బయటకు పంపించేశారు.
అందులో శ్వేత ఎలిమినేట్ కాగా.. లోబోను సీక్రెట్ రూంకి పంపించేశారు. ఇంత వరకు అందరికీ తెలిసిందే. 19 మంది హౌస్ లో కి అడుగుపెట్టగా మొత్తం 6 గురు బయటకు వచ్చేశారు. సరయు, ఉమాదేవి, లహరి, నటరాజ్, హమిదా మరియు శ్వేత ఇంటి నుంచి బయటకు వచ్చారు.
వైల్డ్ కార్డు ఎంట్రీ ఉంటుందని అనుకుంటున్నారు.. కానీ ఇంత వరకు హౌస్ లోకి కొత్త వాళ్లను ఒక్కరిని కూడా పంపించలేదు. ఇదిలా ఉండగా.. శ్వేత వర్మ హీరోయిన్ గా పలు సినిమాల్లో నటించింది. ది రోజ్ విల్లా, ముగ్గురు మొనగాళ్లు, పచ్చీస్, సైకిల్ వంటి పలు చిత్రాల్లో నటించిన శ్వేత పలు వెబ్ సిరీస్లోనూ యాక్ట్ చేసింది. ప్రస్తుతం ముగ్గురు మొనగాళ్లు సినిమా అమెజాన్ ఓటీటీ విజయవంతగా నడుస్తోంది.
అయితే శ్వేత ఎలిమినేట్ తర్వాత అంతా ఆమె పారితోషికం గురించే మాట్లాడుతున్నారు. అయితే పాపులారిటీని బట్టి ఈ పారితోషికం ఒక్కొక్కరికి ఒక్కోలా ఉంటుంది. సోషల్ మీడియాలో వస్తున్న వార్తలను బట్టీ ఆమెకు వారానికి రూ.60 నుంచి 90 వేల వరకు ఇస్తున్నారట. ఆమె హౌస్ లో ఆరువారాల వరకు ఉంది. దీంతో ఆమెకు దాదాపు రూ.5 లక్షల వరకు బిగ్ బాస్ నిర్వాహకులు ముట్టజెప్పినట్లు తెలుస్తోంది.
