బిగ్ బాస్ సీజన్ 4 ప్రారంభమైంది. ఈ సీజన్ కి నాగార్జున హోస్ట్ గా వ్యవహరిస్తున్న సంగతి తెలిసిందే. ఇంక ఈ షోలో కంటెస్టెంట్స్ విషయానికొస్తే సోషల్ మీడియాలో ఎంతోకాలం నుండి ఎందరో సినీ తారల పేర్లు వైరల్ అయ్యాయి. అలా వైరల్ అయిన లిస్టులో ఉన్న3 కంటెస్టెంట్స్ లో కొంతమంది నిజంగానే బిగ్ బాస్ సీజన్ 4లో ఎంట్రీ ఇచ్చారు. అయితే బిగ్ బాస్ కంటెస్టెంట్స్ లిస్ట్ లో ముందు నుండి వినిపించిన సెలబ్రిటీ పేరు అరియానా గ్లోరీ.
అరియానా గ్లోరీ అసలు పేరు అది కాదు అని ఇంట్రడక్షన్ ఎపిసోడ్ లో నాగార్జున తెలియజేశాడు. తన అసలు పేరు చెప్పడానికి భయపడతాను అని అరియానా గ్లోరీ చెప్పారు. ఇంతకీ అరియానా గ్లోరీ అసలు పేరు ఏమిటంటే.. అర్చన. జనవరి 25వ తేదీన పుట్టిన అరియానా గ్లోరీ వికారాబాద్ లోని తాండూర్ లో పెరిగింది. ఆ తర్వాత హైదరాబాద్ లో యాంకరింగ్ గా ఛాన్స్ ల కోసం ప్రయత్నించడం మొదలుపెట్టింది. 2015 లో స్టూడియో వన్ ఛానల్ లో యాంకర్ గా చేరిన అరియానా గ్లోరీ.. ఆ తర్వాత ఈ టీవీ అభిరుచిలో కూడా యాంకర్ గా చేసింది.
2017 నుండి జెమినీ కామెడీలో యాంకర్ గా కంటిన్యూ అవుతుంది అరియానా గ్లోరీ. టీవీ ఛానల్స్ లో మాత్రమే కాకుండా యూట్యూబ్ ఛానల్స్ లో కూడా ఫ్రీలాన్సర్ గా యాంకరింగ్ చేస్తున్న అరియానా గ్లోరీ. రాంగోపాల్ వర్మతో తను చేసిన ఇంటర్వ్యూ ద్వారా మరింత గుర్తింపును సంపాదించుకున్నది. ఈవిధంగా ఇప్పటివరకూ దాదాపు 500 సెలబ్రిటీలని ఇంటర్వ్యూ చేసింది. బిగ్ బాస్ సీజన్ 4లో కంటెస్టెంట్ గా అడుగుపెట్టిన అరియానా గ్లోరీ ప్రస్తుతం సీక్రెట్ రూమ్ లో ఉంది.
