బాలీవుడ్ ధోనీ బయోపిక్ లో నటించి ఎంతో క్రేజ్. సంపాదించుకున్న యువ నటుడు సుశాంత్ బలవన్మరణం వెనుక ఊహించని విషయాలెన్నో బయట పడుతున్నాయి. సుశాంత్ కి అవకాశాలు రాకుండా అనేక మంది కీలక నిర్మాతలు పావులు కదిపారని విభ్రాంతికర విషయాలు వెలుగులోకి వస్తున్నాయి. పోలీసుల ఎంక్వయిరీలో బాలీవుడ్ పెద్దల భాగోతాలన్నీ వెలుగులోకి వచ్చే అవకాశాలెక్కువగా కనబడుతున్నాయి. సుశాంత్ సూసైడ్ విషయంలో పలువురిని పోలీసులు ప్రశ్నించనున్నారు.
సుశాంత్ సింగ్ రాజ్ పుత్ బాలీవుడ్ నటి రియా చక్రవర్తితో గత కొద్దికాలంగా సహ జీవనం చేశాడని గాసిప్స్ వచ్చాయి. సుశాంత్ సింగ్ రియా కలిసి జిమ్ నుండి బయటకొచ్చిన ఫోటో కూడా సోషల్ మీడియాలో భారీగానే సంచలనం సృష్టిస్తుంది. దీంతో నెటిజన్లు కూడా రియా కోసం తెగ కామెంట్స్ పెడుతున్నారు. సుశాంత్ ఆత్మహత్య కు సంబంధించి ఎంక్వయిరీలో భాగంగా రియా చక్రవర్తిని త్వరలోనే ముంబై పోలీసులు ప్రశ్నించనున్నారు. సుశాంత్ తో ఆమెకున్న అనుబంధం ఎలాంటిదో.. సుశాంత్ గత కొద్ది నెలలుగా ఎలా ఉండేవాడో తెలుసుకోవాలని పోలీసులు భావిస్తున్నారు. సుశాంత్ గత కొద్ది నెలలుగా ఓ డాక్టర్ ను సంప్రదిస్తూ వస్తున్నాడని అతన్ని కూడా విచారించనున్నారు పోలీసులు. సుశాంత్ సింగ్ కు దగ్గరి వ్యక్తులతో కూడా పోలీసులు మాట్లాడనున్నారు.
