Character Artist Hema : తెలుగులో హీరోయిన్ స్నేహితురాలిగా మొదలై క్యారెక్టర్ ఆర్టిస్ట్ గా, కమెడియన్ గా ఎన్నో సినిమాల్లో నటించిన హేమ తెలుగు ప్రేక్షకులకు సుపరిచితురాలు. హేమ అసలు పేరు కృష్ణ వేణి, తనది రాజోలు. ఇక మూవీ ఆర్టిస్ట్ అసోసియేషన్ వల్ల కూడా బాగా వైరల్ అయిన హేమ ఏ విషయాన్నైనా ముక్కుసూటిగా మాట్లాడుతూ వివాదాలకు కేర్ ఆఫ్ అడ్రెస్ గా నిలిచారు. ఆ మధ్య మా ఎన్నికల సమయంలో శివబాలాజీ తో గొడవ, కొరకడం వంటి విషయాలతో బాగా వైరల్ అయింది హేమ. ఇక హేమ ఎవరి గురించైనా ఏ మాత్రం జంకు లేకుండా ఫ్రాంక్ గా మాట్లాడేస్తుంది.
ముస్లిం వ్యక్తిని పెళ్లి చేసుకుంటే… చితక్కొట్టారు…
దూరదర్శన్ లో పనిచేసే సమయంలో డైరెక్టర్ మీర్ గారి ద్వారా ఆయన తమ్ముడు అసిస్టెంట్ కెమెరా మెన్ గా ఉన్న సయ్యద్ జాన్ అహమ్మద్ పరిచయం అయ్యాడు. అయితే నా స్నేహితులతో ఎగ్జిభిషన్ వెళ్లాలనుకుంటే తాను వస్తానని అడిగాడు. ఇక అలా ఏర్పడిన పరిచయంతో మొదటి రోజే పెళ్లి చేసుకుందాం అని అడిగాడు. ఆ తరువాత మాట్లాడటం, కలవడం లాంటివి చేసేవాళ్ళం.
ఇంట్లోవాళ్ళకి చెప్పకుండా రిజిస్టర్ మ్యారేజ్ చేసుకోడానికి అన్ని ఏర్పాట్లు చేసుకున్నాం. నేను, అహమ్మద్ కలిసి తిరుగుతున్నామని ఏదో చేయబోతున్నామని మా అమ్మకు వాళ్ళ అన్న మీర్ ఫోన్ చేసి చెప్పడంతో ఆ రోజు మా అమ్మ బాగా చితక్కొట్టింది అంటూ హేమ తెలిపారు. అయితే ఆ తరువాత అనుకున్న ప్రకారమే రిజిస్టర్ మ్యారేజ్ చేసేసుకున్నాం. విషయం తెలిసి ఇంట్లో వాళ్ళు, ఇక ఇరువైపులా ఒప్పుకుని రిసెప్షన్ చేసారు. అలా 18 ఏళ్లకే పెళ్లి చేసేసుకున్నాను అంటూ హేమ తెలిపారు.
