Character artist Sudha : తమిళనాడులో జన్మించినా తెలుగులో క్యారెక్టర్ ఆర్టిస్ట్ గా దాదాపు 500 పైగా సినిమాల్లో నటించారు సుధ. ఆమె అసలు పేరు హేమ సుధ. మొదట చైల్డ్ ఆర్టిస్ట్ గా చేసినా ఆ పై క్యారెక్టర్ ఆర్టిస్ట్ గా చాలా సినిమాల్లో నటించారు. ముఖ్యంగా తల్లి పాత్రల్లో ఎక్కువగా నటించిన సుధ తెలుగులో చాలా మంది హీరోలకు తల్లి పాత్రలో నటించారు. తన కెరీర్ కి సంబంధించిన ఆటుపోట్లతో పాటు వ్యక్తిగత జీవితంలో ఎదురైన కష్టాలను కూడా ఆమె తాజా ఇంటర్వ్యూలో పంచుకున్నారు.
ఆ సినిమా అప్పుడు ఏడ్చేసా…
తమిళనాడుకి చెందిన సుధ గారు తెలుగులో మొదట్లో నటించే సమయంలో బాగా ఇబ్బంది పడ్డారట. భాష రాకపోవడం వల్ల ఇబ్బందులు ఎదురైనట్లు తెలిపారు. బాలకృష్ణ హీరోగా వచ్చిన ‘తల్లిదండ్రులు’ సినిమా సమయంలో అందులో ఒక క్యారెక్టర్ కి సుధ ఎంపిక కాగా డైలాగులు తెలుగులో చెప్పడానికి కష్టపడటం వల్ల టేకులు ఎక్కువగా తీసుకున్నారట. దాంతో డైరెక్టర్ సీరియస్ అవ్వడంతో మరో ఆర్టిస్ట్ ను పిలిచి డైలాగులు చెప్పమని చెప్పారట.
అలా చేసే సరికి ఇన్సల్ట్ గా అనిపించింది సుధా గారు ఏడ్చేశారట. అయితే ఆ సినిమా అయ్యే లోపు తెలుగులో ఏదో ఒకటి నేర్చుకుని డైరెక్టర్ టి. రామారావు గారితో మాట్లాడాలి అని డిసైడ్ అయ్యారట. అయితే మరోసారి అలాంటి ఘటనలు పునరావృత్తం కాకుండా తెలుగు భాష మీద పట్టు పెంచుకున్నారట సుధ.
