Child artist Sahasra : రౌడీ అల్లుడు, మేజర్ చంద్రకాంత్, సమర సింహా రెడ్డి, హిట్లర్, ముగ్గురు మొనగాళ్లు వంటి సినిమాల్లో నటించిన చైల్డ్ ఆర్టిస్ట్ సహస్ర గుర్తుందా.. ముఖ్యంగా సమరసింహా రెడ్డి సినిమాలో బాలయ్య ముగ్గురు చెల్లెల్లో చిన్న చెల్లి సరస్వతిగా నటించిన అమ్మాయి సహస్ర గుర్తుందా. ఆ సినిమాలో బాలయ్య చెల్లిగా కాళ్లు చచ్చుబడిన అమ్మాయి పాత్రలో నటించిన సహస్ర ముఖ్యంగా రైల్వే ట్రాక్ సీన్ లో బాగా నటించింది. అందులో ఫ్యాక్షన్ ఎంత ఆకట్టుకుందో అంతే ఎఫెక్ట్ ఇలాంటి సెటిమెంట్ సీన్స్ కూడా అలరించాయి. అయితే ఆ సినిమాలో నటించిన సహస్ర ఆ సినిమా తరువాత మళ్ళీ సినిమాల్లో నటించలేదు. మళ్ళీ చాలా కాలానికి యూట్యూబ్ ఛానెల్ లో ఇంటర్వ్యూలో మెరిసిన ఈ అమ్మాయి తన గురించి వివరించింది.
పెద్ద హీరోలతో నటించిన సహస్ర…
ఎన్టీఆర్, కృష్ణం రాజు, బాలకృష్ణ, చిరంజీవి, మోహన్ బాబు వంటి పెద్ద హీరోలతో నటించిన సహస్ర కు భాను చందర్ గారి సినిమా ‘ఉద్యమం’ మొదటి సినిమా కాగా, మేజర్ చంద్రకాంత్ సినిమాలో మనోజ్ తో పాటు కలిసి నటించింది. మనోజ్ తో పాటు షూటింగ్ కి కలిసి వచ్చేదట సహస్ర. చిన్న పిల్ల అని అందరూ ముద్దు చేసేవారట. ఇక హిట్లర్ లో నటించడం వల్ల చిరంజీవి గారితోను అనుబంధం ఉందని అలాగే రామ్ చరణ్ బొమ్మలతొ ఆడుకునేదాన్ని చెన్నైలో వాళ్ళింట్లో అంటూ తెలిపారు సహస్ర.
తన కోసం రామ్ చరణ్ ఉప్మా కూడా చేసిపెట్టాడని ఆ మధురానుభూతులను మర్చిపోలేనని తెలిపారు. ఇక సమర సింహా రెడ్డి సినిమా తరువాత సినిమాల్లో అవకాశాలు వస్తున్నా ఇక చేయలేదని చదువు మీద ఇంట్రస్ట్ తో చదువు డిస్టర్బ్ కాకూడదని యాక్టింగ్ మానేసినట్లు తెలిపారు. మాస్టర్స్ యిన్ బయోటెక్నాలజీ చేసిన సహస్ర ప్రస్తుతం సొంత వ్యాపారంలో ఉన్నారు. అయితే అప్పటికీ ఇప్పటికీ కాస్త బోద్దుగా తయారైనా క్యూట్ మాటలతో తన కెరీర్ అలాగే అప్పట్లో హీరోలతో తాను ఆడుకున్నది వంటి విషయాలను పంచుకుంది.
