Chiranjeevi : ‘పునాది రాళ్ళు’ సినిమాతో ఇండస్ట్రీలో అడుగుపెట్టి ఒక్కో మెట్టు ఎక్కుతూ ఇప్పుడు ఎంతో మంది సినిమా ఇండస్ట్రీకి వస్తున్న వాళ్లకు ఆదర్శంగా నిలబడే స్థాయికి ఎదిగిన చిరు గురించి పరిచయం అక్కర్లేదు. ఆయన సినిమాలను చూస్తూ ఆయనను అభిమానించే ఎన్నో కోట్లమంది అభిమానులను ఆయన సొంతం చేసుకున్నారు. కెరీర్ లో ఇంత సక్సెస్ చూసినా ఇన్ని కోట్ల మంది అభిమానులను సంపాదించుకున్నా కూడా ఆయన ఎన్నడూ ఒకరిని గట్టిగా విమర్శించడం, తిట్టడం జరగలేదు, వేరొకరు ఆయన మీద బురదజల్లినా కూడా ఓర్పుగా వ్యవహారించారు కానీ ఎవరితోను పరుషంగా మాట్లాడలేదు. అయితే తాజాగా చిరు వాల్తేరు వీరయ్య సినిమా ప్రమోషన్స్ లో భాగంగా వేసిన పంచులు మాత్రం బాలయ్యకే అంటూ నేటిజెన్స్ అనుకుంటున్నారు.
ప్రతిసారి చరణ్ నా పేరు ప్రస్థావించడం జనాలకు నచ్చదు…
చిరంజీవి గారు సోషల్ మీడియాలో వస్తున్న కొన్ని రూమర్స్ గురించి ఇటీవల ఒక ఇంటర్వ్యూలో మాట్లాడారు. అందులో చరణ్ కి మీకు మధ్య విబేధాలు ఉన్నాయా అనే ప్రశ్నకు బదులు ఇస్తూ ప్రతిసారి ఇంటర్వ్యూ అయినా మరేదైనా సందర్భం ఏదైనా చరణ్ “మా నాన్నగారు అది ఇది” అంటూ మాట్లాడితే జనాలు చూసాంలే నీది మీ నాన్నగారిది అంటూ నవ్వుతారు. అది అవసరం లేదు, మేము బాగున్నాం, కలిసే ఉన్నాం అని చెప్పడానికి ఇంట్లో గోరుముద్దలు చరణ్ కి తినిపిస్తూ వీడియో చేసి చూపక్కర్లేదు అంటూ చెప్పారు.
మేము కలిసే ఉన్నాం అని ప్రతిసారి చెప్పుకోనవసరం లేదు అంటూ చెప్పారు చిరు. అయితే ఇక్కడ పరోక్షంగా నందమూరి బాలకృష్ణ కు సటైర్లు వేసారంటు చాలా మంది నెటిజన్స్ అభిప్రాయపడ్డారు. మరి వీటికి కౌంటర్ బాలయ్య లేదా అయన అభిమానులు ఎలా ఇస్తారో చూడాలి. అయితే ఇక్కడ మరికొంతమంది అది మంచు ఫ్యామిలీ గురించే అంటూ మాట్లాడుకుంటున్నారు.
