Gharana Mogudu : 90 దశకాల్లో చిరంజీవి మెగాస్టార్ అయిన రోజులు, మాస్ లో విపరీతమైన ఫాలోయింగ్ ఉండి చిరు చేసిన ప్రతి సినిమా బ్లాక్ బస్టర్ హిట్ అనే రేంజ్. ఏ దర్శకుడైనా చిరుతో సినిమా అంటే ఖచ్చితంగా హిట్ కొట్టొచ్చు అనే ధీమా ఉండేది. అపుడు చిరు కెరీర్ పీక్స్ లో ఉన్న సమయంలో రాఘవేంద్ర రావు దర్శకత్వంలో చిరు తీసిన సినిమా ఘరానా మొగుడు. ఈసినిమాలో చిరు కి జోడిగా నగ్మా నటించింది.
అప్పట్లోనే లిప్ లాక్, సంశయించిన చిరు…
రాఘవేంద్రరావు దర్శకత్వంలో చిరంజీవి నటించిన తొలి సినిమా మోసగాళ్లు. ఈసినిమాలో హీరో శోభన్ బాబు, విలన్ గా చిరంజీవి, ఇక హీరోయిన్ గా శ్రీదేవి ద్విపాత్రాభినయం చేసింది. ఇక ఆ తరువాత చిరంజీవి నటించిన చిత్రం తిరుగులేని మనిషి. ఈ సినిమాలో ఎన్టీఆర్ హీరోగాను చిరు సెకండ్ హీరోగాను నటించారు. ఈ సినిమా బాక్స్ ఆఫీస్ వద్ద ఆశించినంత విజయాన్ని అందుకోలేదు. ఇక చిరు, రాఘవేంద్రరావు కాంబినేషన్ లో వచ్చిన చిత్రం అడవి దొంగ, ఆ తరువాత కొండవీటి దొంగ, యుద్ధ భూమి, మంచి దొంగ లాంటి సూపర్ హిట్లను తీశారు. అయితే వీరిద్దరి కాంబినేషన్ లో వచ్చిన జగదేక వీరుడు అతిలోక సుందరి సినిమా మాత్రం బ్లాక్ బస్టర్ హిట్ గా నిలిచి అప్పటి వరకు ఉన్న చిరు రికార్డులను బద్దలు కొట్టి కొత్త రికార్డులను సృష్టించింది. ఇక వీరిద్దరి కాంబినేషన్ లో వచ్చిన ఘరానా మొగుడు సినిమాలో నగ్మా హీరోయిన్. ఇక ఈ సినిమాలో రాఘవేంద్రరావు చిరుకి నగ్మాకి లిప్ లాక్ ప్లాన్ చేసారు. ఇక ఈ విషయంలో నగ్మా డైరెక్టర్ అడుగగానే ఓకే చేసారు.
ఇక చిరంజీవి మాత్రం ససేమిరా అన్నాడు. కానీ రాఘవేంద్రరావు పట్టుబట్టడంతో మొహమాట పడిన చిరు చివరకు ఒప్పుకున్నాడు. కానీ ఎక్కడో ఇంకా సంశయం అలానే ఉంది. ఇక సినిమా షూటింగ్ మొత్తం పూర్తి అయిన తరువాత కూడా ఇంకా ఆ లిప్ లాక్ గురించి చిరు ఆలోచించారట. ఈ సీన్ను నా అభిమానులు ఎలా తీసుకుంటారో అని అనుకున్నారట. ఇక ఏమైనా సరే రాఘవేంద్ర రావుతో మాట్లాడి ఆ సీన్ తొలగించాలి అని నిర్ణయించుకున్నారు. చివరికి రాఘవేంద్రరావు గారిని ఒప్పించి ఆ లిప్ లాక్ సీన్ ను సినిమాలో తొలగించారట చిరు. ఆ సీన్ సినిమాలో ఉండుంటే ఎలా ఉండేదో తెలియదు కానీ సినిమా మాత్రం బ్లాక్ బస్టర్ హిట్ అయింది. ఇప్పటి సినిమాల్లో లిప్ లాక్స్ మామూలే కానీ అప్పట్లో మాత్రం అది పెద్ద విషయమే కదా….
