Chiranjeevi postponed his movie because of NTR : టాలీవుడ్ టాప్ హీరోలు మెగాస్టార్ ఒకరు, అలాంటిది మెగాస్టార్ చిరంజీవి ఎన్టీఆర్ సినిమా కూడా రిలీజ్ అవుతుందని తన సినిమాని వాయిదా వేసుకున్న సందర్భం ఉంది. ఈ సందర్భం 19 ఏళ్ల క్రిందట జరిగినది. ఎన్టీఆర్ అల్లరి రాముడు సినిమా మెగాస్టార్ చిరంజీవి ఇంద్ర సినిమా ఒకే టైం లో వచ్చాయి. అందులోనూ ఎన్టీఆర్ నటించిన అల్లరి రాముడు సినిమా కి మెగాస్టార్ చిరంజీవి నటించిన ఇంద్ర సినిమా కు దర్శకుడు బి.గోపాల్ కావడం విశేషం. ఇక రెండు సినిమాలోని హీరోయిన్ ఆర్తి అగర్వాల్ కావడం మరో విశేషం. అయితే ఈ రెండు చిత్రాలను నిర్మాతలు జూలై 18న ఒకే రోజు విడుదల చేయాలని భావించారట.
చిరంజీవి ఇంద్ర సినిమా వాయిదా వేసుకోవడానికి గల కారణం….
అల్లరి రాముడు సినిమా విడుదల మందు ఎన్టీఆర్ నుంచి వచ్చిన సినిమా ఆది. వి.వి.వినాయక్ దర్శకత్వంలో వచ్చిన ఈ సినిమా ఎన్టీఆర్ కు ఎంతటి ఘన విజయం సాధించిందో అందరికి తెలిసిందే. అప్పుడు ఆ సినిమా విజయంతో ఎన్టీఆర్ మంచి ఫామ్లో ఉన్నాడు. కానీ చిరంజీవి ‘మృగరాజు’, ‘శ్రీ మంజునాథ’,‘డాడీ’వంటి వరుస పరాజయాలతో నిరాశ లో వున్నారు. ఈ వరుస సినిమాల పరాజయం వళ్ళ చిరంజీవి అంత ఫామ్ లో లేరు.
ఎన్టీఆర్ అల్లరి రాముడు సినిమా చిరంజీవి ఇంద్ర సినిమాలు రెండు ఒకే రోజు విడుదల చేయాలని నిర్మాతలు భావించడంతో చిరంజీవి కాస్త వెనకడుగు వేశారట. అల్లరి రాముడు సినిమా హిట్ అయి చిరంజీవి సినిమా ఫ్లాప్ అయితే చిరంజీవి ఇమేజ్ మీద దెబ్బ పడుతుంది అని ఇండస్ట్రీ లో టాక్ కూడా నడిచిందట. పైగా చిరంజీవి ఇంద్ర సినిమా కి రన్ టైం ఇష్యూస్ కూడా ఉండటంతో, ఇంద్ర సినిమాను వారం రోజుల పాటు వాయిదా వేసి జూలై 24 న విడుదల చేశారట. అయితే మొదట విడుదలైన అల్లరి రాముడు సినిమా మొదటి షో తోనే ఫ్లాప్ టాక్ మూటగట్టుకుంది. ఎన్టీఆర్ ఇమేజ్ వల్ల మాత్రమే ఆ సినిమాకు ఓపెనింగ్స్ దక్కాయి. ఇంద్ర సినిమా బ్లాక్ బస్టర్ హిట్ గా నిలిచింది. ఒకవేళ అదే టైంలో ఇంద్ర సినిమా విడుదల అవ్వకపోయివుంటే అల్లరి రాముడు సినిమా అవేరేజ్ టాక్ ఐనా తెచ్చుకునేది.
