Connect with us

Featured

ఒక్క ఫోటోతో మారిన కూలీ జీవితం.. రాత్రికి రాత్రే సెన్సేషనల్ మోడల్ అయిపోయిన కేరళ వాసి !

Published

on

కాలం వింత వింత పనులు చేస్తుంది. అది ఎవరిని ఎప్పుడు ఎక్కడికి తీసుకెళ్తుందో చెప్పడం కష్టం. కాలం కలిసి వస్తే బికారీ ఓవర్ నైట్ లో స్టార్ గా మారిపోవచ్చు.. ఆగర్భ శ్రీమంతుడు రాత్రికి రాత్రే బికారీగా మారనూ వచ్చు. సేమ్ కేరళకు చెందిన ఓ వ్యక్తి జీవితం కూడా ఇలాగే మారిపోయింది. ఒకే ఒక్క ఫోటో తన జీవితాన్నే మార్చి వేసింది. కలలో కూడా ఊహించని రీతిలో వెలిగిపోతోంది. రోజువారీ కూలీ కాస్తా.. ప్రముఖ బ్రాండ్లకు అంబాసిడర్ అయ్యే అవకాశం దక్కింది. పూట తిండి దొరకడం కష్టంగా ఉన్న వ్యక్తి నేడు లక్షల రూపాయలు సంపాదిస్తున్నాడు. ఇంతకీ ఆ వ్యక్తి ఎవరు? ఏంటా కథ? అనే విషయాన్ని ఇప్పుడు తెలుసుకుందాం..

కేరళ కొజికోడ్ జిల్లాకు చెందిన 67 ఏళ్ల మామ్మిక్కా రోజు వారీ కూలీగా పనిచేసే వాడు. రోజుకు వంద రూపాయలు సంపాదించి జీవితాన్ని సాగించేవాడు. అతడిని అదృష్టం ఒక్కసారిగా తలుపు తట్టింది. ఒకే ఒక్క ఫొటోతో అతడి జీవితాన్ని మార్చి వేసింది. ఓవర్ నైట్ సెలబ్రెటీని చేసింది. పలు ఉత్పత్తులకు అంబాసిడర్ గా మారిపోయాడు. ఒకప్పుడు పాత లుంగీ, పాత అంగీ వేసుకుని కాలినడక వెళ్లిన తను.. ఇప్పుడు అదే రోడ్డు మీద ఖరీదైన కార్లలో తిరుగుతున్నాడు. నిన్నటి దాక రోజుకు 100 రూపాయల కూలీకి పని చేసిన మామ్మిక్కా… ఇప్పడు లక్షల రూపాయలు సంపాదిస్తున్నాడు.

మామ్మిక్కా జీవితం ఒక్కసారిగా అద్భుత మలుపు తీసుకోవడానికి కారణం ఫొటోగ్రాఫర్ షరీక్ వాయలీల్. ఓసారి అనుకోకుండా మామ్మిక్కాను చూశాడు షరీక్. అతడిలో ఏదో కొత్త దనం ఉందని గమనించాడు. అతడిని ఓ ఫోటో తీసి సోషల్ మీడియాలో వదిలాడు. ఈ ఫోటో బాగా వైరల్ అయ్యింది. మామ్మిక్కా సేమ్ టు సేమ్ వినాయకన్‌లా ఉన్నాడంటూ నెటిజన్లు కామెంట్లు చేశారు. ఎలాగైనా మామ్మిక్కాను మోడల్ చేయాలి అనుకున్న షరీక్. తన వెడ్డింగ్ సూట్ కంపెనీ మోడల్ గా ఉండాలని కోరాడు.

తను ఓకే చెప్పడంతో మామ్మిక్కాను బ్యూటీ పార్లర్‌కు తీసుకు వెళ్లి మేక్ ఓవర్ చేయించాడు. షూట్ వేసి ఫోటో షూట్ చేశాడు. ఆ ఫోటోలను సోషల్ మీడియాలో పెట్టాడు. ఆయన ఫోటోలకు మంచి రెస్పాన్స్ వచ్చింది. ఇతర కంపెనీలు కూడా మామ్మిక్కాను కలిశాయి. తమ కంపెనీల ఉత్పత్తులకు కూడా అంబాసిడర్ గా ఉండాలని కోరాయి. దీంతో తన లైఫ్ మొత్తం చేంజ్ అయ్యింది. తనను ఈ స్థాయికి తీసుకొచ్చిన షరీక్ కు ఈసందర్భంగా ధన్యవాదాలు చెప్పాడు మామ్మిక్కా. అయితే కూలి పని చేయడం అనేది తనకు గౌరవంగానే భావిస్తానని చెప్పాడు.

Advertisement

Continue Reading
Advertisement

Featured

Pitapuram: అందరి ఆసక్తి పిఠాపురం పైనే.. గెలుపు ఎవరిది.. సర్వేలు ఏం చెబుతున్నాయి?

Published

on

Pitapuram: ఆంధ్రప్రదేశ్లో త్వరలోనే ఎన్నికలు జరగబోతున్నాయి అయితే ఎన్నికల హడావిడి మొదలైనప్పటికీ రాష్ట్రవ్యాప్తంగా అందరి చూపు పిఠాపురం నియోజకవర్గం పైనే ఉంది. ఈ నియోజకవర్గంలో ఎవరి జెండా ఎగురుతుందన్న విషయంపై ఎంతో ఆసక్తి నెలకొంది. ఇలా పిఠాపురం పైన ఇంత ఆసక్తి రావడానికి కారణం అక్కడ జనసేన అధినేత పవన్ కళ్యాణ్ పోటీ చేయడమే కారణమని చెప్పాలి.

గత ఎన్నికలలో భీమవరం గాజువాకలో పోటీ చేసి ఓడిపోయినటువంటి పవన్ కళ్యాణ్ ఈసారి మాత్రం కాపులు అధికంగా ఉన్నటువంటి నియోజకవర్గం పిఠాపురం నుంచి పోటీ చేయబోతున్నారు ఈ క్రమంలోనే ఈయనకు పోటీగా వైసిపి పార్టీ నుంచి వంగా గీత ఎన్నికల బరిలోకి దిగారు. ఈ క్రమంలోనే వీరిద్దరూ ఒకే సామాజిక వర్గానికి చెందిన వారే అయినప్పటికీ ఎవరు గెలుస్తారో అన్న విషయంపై పెద్ద ఎత్తున చర్చలు జరుగుతున్నాయి.

ఇప్పటికే ఎన్నో చానల్స్ వారు ప్రజా సర్వే నిర్వహించారు. ఈ సర్వేలో భాగంగా ఎక్కువ శాతం పవన్ కళ్యాణ్ గెలిచే అవకాశాలే ఉన్నాయని స్పష్టంగా తెలుస్తోంది. వంగా గీత కూడా అదే సామాజిక వర్గానికి చెందిన మహిళ అంతేకాకుండా ప్రస్తుతం కాకినాడ ఎంపీగా కూడా ఈమె కొనసాగుతున్నారు. ఇలాంటి తరుణంలో వంగా గీత కాకుండా పవన్ కళ్యాణ్ గెలుపు ఖాయమని తెలుస్తోంది.

Advertisement

జనసేనదే విజయమా..
ఇకపోతే వంగా గీత 2009వ సంవత్సరంలో ప్రజారాజ్యం పార్టీ తరఫున ఎన్నికల బరిలో దిగి పిఠాపురం నియోజకవర్గం నుంచి గెలుపొందారు అయితే అప్పట్లో ఎంతోమంది ఎమ్మెల్యేలు వచ్చిన పిఠాపురానికి చేయాల్సినటువంటి న్యాయం చేయలేకపోయారని అందుకే ఈసారి పవన్ కళ్యాణ్ కి మద్దతు తెలుపుతున్నామంటూ చాలామంది ప్రజలు పవన్ కళ్యాణ్ గెలుపుకు కృషి చేస్తున్నారంటూ పలు సర్వేలు వెల్లడిస్తున్నాయి చూడాలి మరి పిఠాపురంలో ఏ జెండా ఎగురుతుంది వంగా గీత పవన్ కళ్యాణ్ కి ఎలా పోటీగా నిలబడతారు అనేది తెలియాల్సి ఉంది.

Advertisement
Continue Reading

Featured

AP politics: పొత్తు ధర్మాన్ని పాటించకపోతే కఠిన చర్యలు తప్పవు.. పవన్ స్ట్రాంగ్ వార్నింగ్!

Published

on

AP politics: రేపు ఎన్నికలు జరగబోతున్నటువంటి తరుణంలో వైఎస్ఆర్సిపి పార్టీ ఎలాంటి పొత్తు లేకుండా ఎన్నికల బరిలోకి దిగిపోతుంది కానీ తెలుగుదేశం పార్టీతో జనసేన బిజెపి పొత్తు పెట్టుకుని ఎన్నికల బరిలోకి దిగబోతున్న సంగతి తెలిసిందే ఇలా కూటమిగా ఏర్పడి ఎన్నికలలో గెలిచి ఆంధ్ర రాష్ట్ర అభివృద్ధిని ముందుకు నడిపించాలని ధ్యేయంగా ఎన్నికల బరిలోకి దిగబోతున్నట్లు వెల్లడించారు.

ఇలా ఈ మూడు పార్టీల కూటమిగా ఏర్పడి ఎన్నికల బరిలోకి దిగుతున్నటువంటి తరుణంలో కొన్ని నియోజకవర్గాలలో పార్టీల కోసం ఎంతో కష్టపడినటువంటి వారికి సీట్లు రాకపోవడంతో పెద్ద ఎత్తున తెలుగుదేశం పార్టీలోనే జనసేనలోనూ కూడా అభ్యర్థులు అలకలు మొదలుపెట్టారు. ఇటీవల బీజేపీ తమ అభ్యర్థుల జాబితాను విడుదల చేసిన సంగతి తెలిసిందే. ఈ క్రమంలోనే విజయవాడ వెస్ట్ సీటు జనసేన పార్టీకే కేటాయిస్తారని, పార్టీ తరపున తనకే సీటు వస్తుందని ఎన్నో ఆశలు పెట్టుకున్న పోతిన మహేష్ ఈ సీటు బీజేపీకి వెళ్లిపోవడంతో చాలా అసంతృప్తికి గురయ్యారు.

ఇలా బిజెపికి సేటు కేటాయించడంతో మహేష్ ఏకంగా జనసేన పార్టీ కార్యాలయం ముందు రెండు గంటల పాటు కూర్చుని నిరసన వ్యక్తం చేశారు. ఇక ఈయనని పవన్ కళ్యాణ్ పిలిపించుకొని తనని బుజ్జగించే ప్రయత్నం చేశారు. పార్టీ అధికారంలోకి వచ్చిన తర్వాత తనకు పదవి తప్పకుండా ఇస్తామని చెప్పిన మహేష్ మాత్రం తనకు టికెట్ కావాలని కోరారు.

Advertisement

పొత్తు ధర్మాన్ని పాటించండి..
ఇలా అభ్యర్థులు సహకరించకపోవడంతో జనసేన అధినేత పవన్ కళ్యాణ్ ప్రెస్ నోట్ విడుదల చేశారు.పొత్తు ధర్మాన్ని పాటిద్దామని కూటమిని గెలిపిద్దామంటూ జనసేన అధినేత పవన్‌ కల్యాణ్‌ ప్రెస్‌నోట్‌ విడుదల చేశారు. ఆంధ్రప్రదేశ్ ప్రజల ప్రయోజనాల కోసమే కూటమి ఏర్పాటు చేశామని ప్రస్తావించారు. ఆ పొత్తు ధర్మాన్ని పాటించకపోతే కఠిన చర్యలుంటాయని హెచ్చరించారు.

Advertisement
Continue Reading

Featured

AP Politics: షర్మిల సునీతపై జగన్ ఘాటు వ్యాఖ్యలు.. హంతకులకే మద్దతంటూ?

Published

on

AP Politics: ఏపీ ఎన్నికలు త్వరలోనే జరగబోతున్నటువంటి తరుణంలో ఎన్నికల హడావిడి మొదలైంది. ఇప్పటికే ముఖ్యమంత్రి జగన్మోహన్ రెడ్డి ఇడుపులపాయ నుంచి మేమంతా సిద్ధం పేరుతో బస్సు యాత్ర ప్రారంభించారు. ఈ బస్సు యాత్రలో భాగంగా ప్రొద్దుటూరులో బహిరంగ సభ నిర్వహించిన సంగతి మనకు తెలిసిందే.

ఈ సభలో తన బాబాయ్ వివేకానంద రెడ్డి హత్య గురించి జగన్మోహన్ రెడ్డి చేసినటువంటి వ్యాఖ్యలు సంచలనగా మారాయి. మా చిన్నాన్న వివేకానంద రెడ్డి గారిని చంపింది ఎవరో రాష్ట్ర తెలుసనీ, తన చెల్లెలు షర్మిల సునీతను కూడా తమ రాజకీయాలలో పావులుగా వాడుకున్నారని తెలిపారు.

నా చెల్లెమ్మలు ఇద్దరూ కూడా హంతకులకే మద్దతు తెలుపుతున్నారని జగన్ మండిపడ్డారు. చెల్లెమ్మలు చిన్నాన్నను చంపిన వారితో చేతులు కలపగా నేను మాత్రం ప్రజల పక్షమే ఉంటానని జగన్ తెలిపారు. ఇలాంటి హంతకులతో అవినీతిపరులతో యుద్ధం చేయడానికి ఈ అర్జునుడు సిద్ధం మీరు సిద్ధమేనా అంటూ ఈ కార్యక్రమంలో జగన్ చేసిన వ్యాఖ్యలు సంచలనగా మారాయి.

Advertisement

కూటమి అంటే కుట్రలు..
వెన్నుపోటు పొడవడంలో చంద్రబాబు నాయుడికి 45 ఏళ్ల అనుభవం ఉందని చెప్పారు. ఎన్టీఆర్ ని వెన్నుపోటు పొడిచి చంపి, ఆయన విగ్రహాలకు పూలమాలలు వేశారని అన్నారు. కూటమి అంటే కుట్రలు కుతంత్రాలని జగన్ తెలిపారు. తమ జెండా మాత్రం మరో జెండాతో జతకట్టలేదని చెప్పారు. కేంద్రం నుంచి ఓ పార్టీని తెచ్చుకున్నారని అన్నారు. ఇటీవల చోటుచేసుకున్న డ్రగ్స్‌ కేసు వెనుక చంద్రబాబు వదిన గారి చుట్టం ఉన్నారంటూ డ్రగ్స్ వ్యవహారంపై కూడా జగన్ ఘాటు వ్యాఖ్యలు చేశారు.

Advertisement
Continue Reading
Advertisement

Trending

Don`t copy text!