Damu Balaji & Dasari Vignan : తెలంగాణలో ఈ మధ్య కాలంలో సంచలనం రేపిన ఘటనల్లో మెడికో ప్రీతి సుసైడ్ కేసు ఒకటి. ఈ కేసులో ప్రధాన నిందితుడిగా ఉన్న సెకండ్ ఇయర్ పీజీ వైద్య విద్యార్థి సైఫ్ ను పోలీసులు విచారిస్తున్నారు. ప్రీతి ఆత్మహత్య చేసుకోడానికి సైఫ్ వేధింపులే ప్రధాన కారణం అనే ఆరోపణల నేపథ్యంలో సైఫ్ సమాధానలు కీలకంగా ఉన్నాయి. అయితే సైఫ్ కూడా పోలీసులకు సహకరిస్తున్నారు అనే వార్తలను నడుమ సైఫ్ నోరు విప్పడానికి పోలీసులు తమ పద్ధతులను ఉపయోగిస్తున్నారని, అలాగే ఆధారాలను చూపిస్తూ తెలివిగా సమాధానలు రాబడుతున్నరానే విషయాలు బయటికి వస్తున్నాయి.
చాటింగ్ ద్వారా సైఫ్ నుండి నిజాలు రాబడుతున్న పోలీసులు…
ప్రీతి విషయంలో మొదటి నుండి వాట్సాప్ చాటింగ్ కీలక ఆధారంగా ఉంది. సైఫ్ వాట్సాప్ గ్రూప్ లో అందరిలోనూ ప్రీతిని హేళనగా మాట్లాడటం చేసాడని అదే దీనంతటికీ కారణం అని అనలిస్ట్స్ దాము బాలాజీ, దాసరి విజ్ఞాన్ అభిప్రాయపడ్డారు. పోలీసులు సైఫ్ ను తమ పద్ధతిలో డీల్ చేస్తున్నారని కొన్నిసార్లు కొడుతున్నారనే వార్త బయటికి లీక్ అయింది అంటూ అభిప్రాయపడ్డారు. ఇక వాట్సాప్ చాట్ చూపి క్రాస్ చెక్ చేసుకుంటున్నారంటూ అభిప్రాయపడ్డారు.
నిజానికి ఈ కేసులో తప్పు సైఫ్ దే అయ్యుండొచ్చు కానీ ఆ తప్పును తప్పు అని చెప్పకుండా అతడిని మందలించకుండా ప్రీతి, సైఫ్ మధ్య వివాదాన్ని పరిష్కరించని ప్రిన్సిపాల్, అలాగే హెచ్ఓడి నాగార్జున రెడ్డి, అలాగే పోలీసులదే తప్పు అంటూ అనలిస్ట్స్ ఇద్దరూ అభిప్రాయపడ్డారు. వాళ్ళు సరైన సమయంలో ప్రీతి ఫిర్యాదు చేసినపుడే స్పందించి సైఫ్ కు తప్పు అని చెప్పుంటే ప్రీతి బతికి ఉండేది అలాగే సైఫ్ జీవితం నాశనం అయ్యేది కాదు అంటూ అభిప్రాయపడ్డారు.
