DAV school issue : నాలుగేళ్ళ చిన్నారి మీద జరిగిన అత్యాచారం ఘటనతో ఒక్కసారిగా రెండు తెలుగు రాష్ట్రాలు ఉలిక్కిపడ్డాయి. డిఏవి పబ్లిక్ స్కూల్ లో ఎల్కేజీ పాపను ఆ స్కూల్ డ్రైవర్ అత్యాచారం చేసిన ఘటన సంచలనం రేపింది. రెండు నెలలుగా పాపను బెదిరించి అత్యాచారం చేసినట్లుగా ప్రాథమిక విచారణలో తెలియగా డ్రైవర్ ను అలాగే స్కూల్ ప్రిన్సిపాల్ మాధవిను పోలీసులు అరెస్టు చేసి విచారణ చేపట్టారు. ఇక స్కూల్ గుర్తింపు రద్దు చేస్తూ విద్యాశాఖ మంత్రి సబితా ఇంధ్రారెడ్డి ఉత్తర్వులు ఇచ్చారు. కానీ ఘటనలో పాప కుటుంబానికి ఏ మాత్రం న్యాయం జరగక మునుపే మళ్ళీ స్కూల్ ను రీ ఓఎన్ చేసారు. యధాతతంగా తరగతులు నిర్వహిస్తుండటంతో పాప తల్లిదండ్రులు స్కూల్ ఎదుట ఆందోళనకు దిగినా ఇప్పటి వరకు ఫలితం కనిపించలేదు.
రెండు నెలలు గడిచినా న్యాయం ఏది…
ఘటన జరిగి రెండు నెలలు గడిచినా ఇంకా కేసు అసలు ముందుకు జరగలేదు. ఇప్పటివరకూ ఫోరెన్సిక్ రిపోర్ట్స్ కూడా బయటికి రాలేదు నిందితులను తప్పించే ప్రయత్నం జరుగుతోంది అంటూ కొంతమంది అభిప్రాయపడుతున్నారు. ఇక స్కూల్ గుర్తింపు రద్దు చేస్తామని చెప్పి మళ్ళీ స్కూల్ యాదవిధంగా తెరవడం తరగతులను నిర్వహించడం పట్ల ఆగ్రహం వ్యక్తం చేస్తున్నారు కొంతమంది. పాఠశాలలో చదువుతున్న మిగిలిన పిల్లల తల్లిదండ్రులు కూడా కొంచెం ఆలోచిస్తే బాగుండేది, వారి పిల్లలు చదువు వరకే ఆలోచించారు.
మరికొంతమందేమో స్కూల్ పరువు తీయడానికి కావాలనే ఇలా చేస్తున్నారంటూ వ్యతిరేక ఆరోపణలు చేసారు. ఇండియాలో కూడా అరబ్ దేశాల్లో ఉండే లాంటి కఠిన చట్టాలు ఉండాలి అంటూ పలువురు అభిప్రాయపడ్డారు. తాలిబన్లు చెప్పి ఆడవారి మీద అత్యాచారం చేస్తున్నారు. ఇలాంటి మృగాలు చెప్పకుండా అఘాయిత్యాలకు పాల్పడుతున్నారు అంతే ఇద్దరికీ పెద్ద తేడాలేదు అంటూ ఫైర్ అయ్యారు. నేడు చిల్డ్రన్స్ డే సందర్బంగా మరి ఆ పాప మీద జరిగిన ఘోరం ఇంక ఏ పిల్లకూ జరగకుండా ఉండేలా వాడికి సహకరించిన ప్రిన్సిపాల్ కు శిక్షపడాలి అంటూ పలువురు అభిప్రాయపడ్డారు.
