Shyam Singha Roy: నాని శ్యామ్ సింగ రాయ్ పాజిటివ్ టాక్ తో దూసుకుపోతోంది. కరోనా మహమ్మారి తర్వాత నాని తొలి సినిమా థియేటర్లలో విడుదలైంది. ఈ సినిమా ప్రతీ ఒక్కరి హృదయాలను గెలుచుకుంది. అంతే కాదు ఈ సినిమా అన్ని జోనర్ వాళ్లకు నచ్చింది. ఈ సినిమా అనుకూలమైన సమీక్షలను పొందుతోంది. రాహుల్ సంకృత్యాన్ దర్శకత్వం వహించిన ఈ చిత్రం ప్రేక్షకులను బాగా ఆకట్టుకుంది.
సాయి పల్లవి మరియు కృతి శెట్టిల నటన విమర్శకుల నుంచి సైతం ప్రశంసలు అందుకుంది. కాన్సెప్ట్, కథాంశం, సంగీతం, సినిమాటోగ్రఫీ ఎంటర్టైనర్కి హై పాయింట్స్గా నిలిచాయి. ఈ చిత్రంలో నాని ద్విపాత్రాభినయం చేయడంతోపాటు.. నటనలో తన 100 శాతం న్యాయం చేశాడు. ఇక సినిమా బిజినెస్ విషయానికి వస్తే..ఈ చిత్రం ఆంధ్ర ప్రదేశ్ మరియు తెలంగాణ బాక్సాఫీస్ వద్ద మొదటి రోజు రూ. 4.17 కోట్ల రూపాయలను వసూలు చేసింది.
ఈ కలెక్షన్ రిపోర్ట్ సోషల్ మీడియాలో వైరల్ కావడంతో.. నాని అభిమానులు మరియు ఫాలోవర్లు ఎంతో సంతోషం వ్యక్తం చేస్తున్నారు. రాబోయే రోజుల్లో ఈ చిత్రం బాక్సాఫీస్ వద్ద ఇంకా ఎక్కువ కలెక్షన్లను కురిపిస్తుందని చిత్ర సభ్యులు ఆశిస్తున్నారు. శుక్రవారం విడుదలైన ఈ చిత్రం శని, ఆది వారాలు సెలవు దినం కావడంతో ఇంకా ఎక్కువ కలెక్షన్లు వచ్చే అవకాశం ఉందని తెలుస్తోంది.
ప్రపంచవ్యాప్తంగా రూ.29.9 కోట్లు:
డిసెంబరు 17న విడుదలైన అల్లు అర్జున్ నటించిన పుష్పతో ఈ చిత్రానికి భారీ క్లాష్ ఏర్పడటం గమనార్హం. శ్యామ్ సింగరాయ్ డే 1 బాక్స్ ఆఫీస్ కలెక్షన్ వివరాల్లోకి వెళ్తే.. నైజాంలో రూ. 2.12 కోట్లు, సీడెడ్ లో రూ. 62 లక్షలు, ఉత్తర ఆంధ్రలో రూ. 51 లక్షలు, ఈస్ట్ లో రూ. 20 లక్షలు, వెస్ట్ లో రూ. 16 లక్షలు, గుంటూరులో రూ. 26 లక్షలు, కృష్ణాలో రూ. 18 లక్షలు, నెల్లూరులో రూ. 12 లక్షలు, ఏపీ/టీజీ మొత్తం: రూ. 4.17 కోట్లు( రూ. 6.90 కోట్లు గ్రాస్), ఓఎస్లో రూ. 1.35 కోట్లు.. మొత్తం వరల్డ్ వైడ్ గా రూ. 29.9 కోట్లు వసూలు చేసింది.
