Dulquer Salmaan : సినిమాల్లో వారసత్వం సహజం, తెలుగులో అగ్ర హీరోల పిల్లలు, మనవళ్ళు సినిమాల్లో కి ఎంట్రీ ఇచ్చి సత్తా చాటుతున్నారు. ఇక హీరోలు కూడా తమ పిల్లలు తమ తరవాత సినిమాల్లో మంచి స్థానంలో తమ పేరుని నిలబెట్టాలని అనుకుంటూ ఉంటారు. కానీ ఇక్కడ మాత్రం ఒక అగ్ర హీరో తన కొడుకు సినిమాల్లోకి రావడానికి ఒప్పుకోలేదట. పెద్ద గొడవే చేసాడట కొడుకు సినిమాల్లోకి వస్తానంటే. ఎవరా హీరో అనుకుంటున్నారా.. మలయాళం సూపర్ స్టార్ మమ్ముట్టి, ఆయన తనయుడు దుల్కర్ సల్మాన్. మమ్ముట్టి తనయుడు దుల్కర్ సినిమాల్లోకి రావడం ఆయనకు అస్సలు ఇష్టం లేదట.
సినిమాల్లోకి వెళ్తానంటే బాధపడ్డారు…
మలయాళం హీరో అయిన దుల్కర్ సల్మాన్ ‘మహానటి’ సినిమాతో తెలుగు వారికి పరిచయమాయ్యాడు. జెమినీ గణేశన్ లాగా తన నటనతో అందరినీ మెప్పించాడు. ఇక ఆ తరువాత మళ్ళీ ‘కనులు కనులను దోచాయాంటే’ సినిమా కూడా మంచి గుర్తింపును తెచ్చిపెట్టింది. ఇక చాలా రోజుల తరువాత దుల్కర్ నటించిన ‘సీతా రామం’ సినిమా తో మరో సారి తెలుగు ప్రేక్షకులకు దగ్గరయ్యాడు. హనుమాన్ రాఘవాపూడి దర్శకత్వంలో వచ్చిన ఈ సినిమాలో రామ గా దుల్కర్ నటనకు అందరూ ఫిదా అయ్యారు. విడుదలైన అన్ని థియేటర్స్ లోనూ సినిమా మంచి రెస్పాన్స్ అందుకుంది.
ఇక ఈ సినిమా ప్రమోషన్స్ లోనే దుల్కర్ తాను నటుడవ్వడం తన తండ్రికి ఇష్టం లేదనే విషయాన్ని పంచుకున్నారు. మమ్ముట్టి గారికి దుల్కర్ సినిమాల్లోకి రావడం ఇష్టం లేదట అందుకే ఫైట్స్, డాన్సులు ఏమి నేర్పించలేదట, ఇక తండ్రి ఇష్టం ప్రకారమే చదువుకుని దుబాయ్ లో ఉద్యోగం చేసుకుంటూ ఉన్న దుల్కర్ కి ఆ నాలుగు గోడల మధ్య పని చేస్తూ బ్రతకడం నచ్చక ఇండియా వచ్చేసాడు. ఇక సినిమాల్లోకి వెళ్తానని అడుగగానే మమ్ముట్టి గారు పెద్ద గొడవే చేసారాట. మొదటి సారిగా ఆయన అంతలా రియాక్ట్ అవడం చూసానని దుల్కర్ చెప్పారు. డాన్సలు, ఫైట్లు వంటివి కూడా శిక్షణ తీసుకోలేదు, నటించడం అంటే సులువు కాదు నువ్వు ఇండస్ట్రీ కి వచ్చి నా పరువు తీస్తావా అని బాగా చివాట్లు పెట్టారట మమ్ముట్టి.
