GV Narayana Rao : అంతులేని కథ సినిమాతో ఇండస్ట్రీకి పరిచయమైన నటుడు జీవీ నారాయణ రావు గారు ఆ సినిమా తరువాత హీరోగానూ, క్యారెక్టర్ ఆర్టిస్ట్ గానూ ఎన్నో సినిమాల్లో నటించారు. ఇక ప్రొడ్యూసర్ గా మారి చిరంజీవి గారితో దేవాంతకుడు, అలాగే ఫ్రెండ్స్ తో కలిసి యముడికి మొగుడు సినిమాలను తీసి మంచి హిట్స్ అందుకున్నారు. ఇక చిరంజీవి గారితో, స్నేహితులతో కలిసి సినిమా నిర్మిస్తున్న సమయంలో వచ్చిన విబేధాలు వంటి విషయాల మీద అయన మాట్లాడారు. ఇక చిరంజీవి గారు ఎంతో మందికి సహాయం చేసినా తనపై ఆరోపణలు చేస్తుంటారు అంటూ తాజా ఇంటర్వ్యూలో తెలిపారు.
ఎంతోమంది నిర్మాతలకు అవకాశం ఇచ్చారు…
చిరంజీవి గారు మొదటి నుండి కష్టపడి పైకి వచ్చారు. అలానే తన వల్ల నష్టపోయిన నిర్మాతకు మరోసారి అవకాశం ఇచ్చి ఆదుకున్న సందర్భాలు చాలా ఉన్నాయి అంటూ జీవీ నారాయణ రావు గారు తెలిపారు. జీవి నారాయణ రావు గారు చిరంజీవి గారికి తొలి నుండి మంచి మిత్రులు, ఆయన ఎదగడం చూసిన వ్యక్తుల్లో ఒకరు. దేవివరప్రసాద్ లాంటి నిర్మాతకు మళ్ళీ పిలిచి అవకాశం ఇచ్చారు. మృగరాజు సినిమా చేసారు.
కానీ ఆ సినిమా పోయింది దానికి చిరంజీవి బాధ్యుడు కాదు కదా అంటూ చెప్పారు. ఇక క్రాంతి కుమార్ గారికి మరోసారి డేట్లిచ్చారు. అలా ‘ముఠామేస్త్రి’ సినిమా ఆయన నిర్మాణంలో తీసారు. చిరంజీవి గారు ఆయన ఎదుగుతూనే ఎందరికో సహాయం చేసారు. అలా చేసారు కాబట్టే ఆయన అంత ఎదిగారు. మనం ఎంత పరులకు చేస్తామో అది మళ్ళీ మనకు తిరిగివస్తుందంటారు. చిరంజీవి, రజనీకాంత్ లను చూస్తే నిజమనిపిస్తుంది అంటూ చెప్పారు.
