Geetha Krishna : తెలుగు సినిమా పరిశ్రమ లో కొంత మంది హీరోయిన్లు అలా వచ్చి ఇలా వెళ్ళిపోతారు. కానీ కొంతమంది మాత్రం తమదైన ముద్ర వేస్తారు. అలాంటి హీరోయిన్లలో రమ్య కృష్ణ ఒకరు. ఆమె గ్లామరస్ పాత్ర చేసినా, ఒక దేవత లాగా చేసినా ఇక నెగెటివ పాత్ర చేసినా ఆమెకు ఆమె సాటి. ఇక ఈ మధ్య బాహుబలి లో శివగామిగా తన నటన అందరిని ఆకట్టుకునేలా, తాను తప్ప ఇంకెవరు చేయలేరు అనేలా చేసింది. తెలుగులో రమ్యకృష్ణ అయిన తన అసలు పేరు రమ్య కృష్ణన్. తమిళనాడులో పుట్టి పెరిగిన రమ్యకృష్ణ తండ్రిది నెల్లూరు. ఇక ఆమె తొలి తెలుగు సినిమా హీరోయిన్ గా సంకీర్తన. గీతా కృష్ణ దర్శకత్వంలో నాగార్జున, రమ్యకృష్ణ జంటగా నటించిన ఈ సినిమా ఒక క్లాసిక్ ఫిలిం.
ఆ విషయం ముందే తెలుసుంటే రమ్యకృష్ణ ను సంకీర్తనకు తీసుకునే వాడిని కాదు…
సంకీర్తన సినిమా టైములో కొత్త హీరోయిన్ ను పరిచయం చేయాలని గీతా కృష్ణ అనుకున్నాడట. నాగేశ్వరావు గారికి ఆమాటే చెప్పారట. నాగార్జున కొత్తగా పరిచయమవుతున్నాడు కాబట్టి, కొత్త హీరోయిన్ ను తీసుకోవాలని అనుకుని వెతకగా, రాజా సులోచన గారు తన డాన్స్ అకాడమీ ద్వారా హైదరాబాద్ లో జరిగిన ఫిలిం ఉత్సవ్ లో డాన్స్ చేయించగా, అందులో రమ్య కృష్ణ ని చూసి ఎంపిక చేశారట. అయితే రమ్య కృష్ణ అప్పటికే తమిళంలో ఒక సినిమా చేసినా తెలుగులో మొదటిది.
ఇక సినిమా అయిపోయి కోకిల సినిమా చేస్తున్న సమయంలో దాదాపు మూడేళ్లకు రమ్య ఇదివరకే తెలుగు సినిమాలో ఒక చిన్న పాత్ర చేసిందట. ఒకవేళ ఈవిషయం ముందే తెలుసుంటే తనను తీసుకునే వాడిని కాదని పరోక్షంగా అన్నారు. ఇక రమ్య కృష్ణ నెమ్మదిగా మంచి హీరోయిన్ గా ఎదిగి హీరోతో సమానంగా నటించిన నరసింహ వంటి సినిమాలు చేసింది. ఇక ఇప్పుడు రమ్య కృష్ణ కు అవకాశాలు తగ్గాయని దీనికి కారణం రెమ్యూనరేషన్, ఈ పాత్రకు వీళ్ళు బాగుంటారని దర్శకులు అనుకోవడం వళ్ళ రమ్య కృష్ణకు ఆఫర్స్ తగ్గాయని నా అభిప్రాయం అని గీతా కృష్ణ చెప్పారు.
