హైదరాబాద్ మహానగరంలో భారీ వర్షం కురిసింది. నగరంలోని పలు ప్రాంతాలు తడి ముద్దయ్యాయి. ముఖ్యంగా బంజారాహిల్స్, జూబ్లీహిల్స్, యూసఫ్ గూడా, కృష్ణానగర్, హైటెక్ సిటీ, ఖైరతాబాద్, కోటి, సికింద్రాబాద్, ఉప్పల్, నాగోల్, చింతల్, రామంతాపూర్, అల్వాల్, కూకట్ పల్లి తదితర ప్రాంతాలలో భారీ వర్షం కురిసింది. సాయంత్రం వేళ దట్టమైన మబ్బులతో కూడిన వర్షం కురియడంతో హైదరాబాద్ మహానగరమంతా తడిసి ముద్దయింది.
గత రెండు మూడు రోజులుగా తెలంగాణలోని పలు ప్రాంతాలలో వర్షాలు కురుస్తున్నాయి. మరో పక్క ఈ అకాల వర్షానికి రైతులు తీవ్ర ఇబ్బదులకు గురవుతున్నారు. ముఖ్యంగా మిరప, మామిడి రైతులకు తీవ్ర నష్టం వాటిల్లే అవకాశం ఉంది.
