ఈరోజు ఉదయం నుంచి హీరోయిన్ ప్రణీత పెళ్లి ఫోటోలు వైరల్ అయ్యాయి. ప్రాముఖ్య బిజినెస్ మ్యాన్ నితిన్ రాజును ప్రణీత సెక్రెట్ గా పెళ్లి చేసుకున్నారు అంటూ వార్తలు వచ్చాయి. హీరోయిన్ ప్రణీత వివాహాం సోషల్ మీడియాలో హాట్ టాపిక్ అవుతోంది. నిత్యం సోషల్ మీడియాలో యాక్టివ్గా ఉండే ప్రణీత ఇలా ఎవరికీ చెప్పకుండా సైలెంట్ గా పెళ్లి చేసుకోవడంతో నెటిజన్లు షాక్ అవుతున్నారు. ఇక ఆమె అభిమానుల సంగతి ప్రత్యేకంగా చెప్పనవసరం లేదు. అయితే తాజగా తన పెళ్లి గురించి అభిమానులందరికీ ఓ ప్రకటన చేశారు.
‘మే 30వ తేదీన మేమిద్దరం పెళ్లి చేసుకున్నామనే విషయాన్ని మీ అందరికి చెప్పడం నాకు ఎంతో ఆనందంగా ఉంది.. అయితే ముందుగా మీకు అందరికీ ఈ పెళ్లి గురించి ఎటువంటి సమాచారాన్ని ఇవ్వలేకపోయాము. అందుకు నన్ను క్షమించండి.. ప్రస్తుతం ఉన్న ఈ పరిస్థితుల్లో మేం కూడా పెళ్లి తేదిని చివరి వరకు నిర్ణయించలేదు. అందువల్ల ఎదో ఒక డేట్ చెప్పి మీ అందరినీ కన్ఫ్యూజ్ చేయడం నాకిష్టం లేదు.. మీరందరూ దయచేసి నా క్షమాపణలను స్వీకరించండి.. నా లైఫ్ లో మీరు అందరూ చాలా ప్రత్యేకమైన వాళ్ళు మీతో ఈ విషయాన్ని పంచుకోవడం నాకెప్పుడూ ప్రత్యేకమే.. త్వరలో పరిస్థితులన్నీ చక్కబడ్డాక మనందరం కలిసి సెలెబ్రేట్ చేసుకుందాం.. ప్రేమతో ప్రణీత అండ్ నితిన్’ అని చెప్పుకొచ్చారు.
