కరోనా మహమ్మారి విజృంభిస్తున్న టైంలో కూడా టాలీవుడ్ న్యూ ట్రెండ్ ను సృష్టిస్తుంది. కమర్షియల్ బాట నుండి కొత్త ప్రయోగాల వైపు అడుగులేస్తుంది. తెలుగు ప్రేక్షకులు కూడా ఆ ప్రయోగాలను ఆదరించటం శుభ పరిణామనే చెప్పవచ్చు.
ఇక అసలు విషయానికి వస్తే.. ‘లాహిరి లాహిరి లాహిరిలో’ చిత్రం ద్వారా తెలుగు తెరకు పరిచయమైన ఆదిత్య ఓం ఆ తర్వాత ఎన్నో విజయవంతమైన తెలుగు చిత్రాల్లో నటించి ప్రస్తుతం ఓ సరికొత్త ప్రయోగాత్మక చిత్రంలో నటిస్తున్నారు. ఈ చిత్రానికి “బందీ” అనే టైటిల్ ని కూడా ఫిక్స్ చేశారు. ఈ సందర్భంగా హీరో ఆదిత్య ఓం మాట్లాడుతూ..
‘బందీ’ చిత్రం మొత్తం ఒకే ఒక్క పాత్రతో కధ నడుస్తుంది. ఇలాంటి ప్రయోగాత్మక సినిమా తెలుగులో ఇంతవరకూ రాలేదు. టాలీవుడ్ లో ఆ లక్కీఛాన్స్ నాకు రావడం ఎంతో ఆనందంగా ఉంది. తెలుగు, హిందీ, తమిళ భాషల్లో చిత్రీకరణ జరుపుకుంటున్న ఈ చిత్రంలో నటించడం చాల ఆనందంగా వుంది. ఇప్పటి వరకూ నన్ను ఎలాగైతే ఆదరించారో ఇకపై కూడా అలాగే ఆదరిస్తారని ఆశిస్తున్నాను. మా ప్రయత్నాన్ని ప్రేక్షకులు విజయవంతం చేయాలని కోరుకుంటున్నాను.” అంటూ “బందీ” చిత్రానికి సంబంధించిన ఫస్ట్ లుక్ ను విడుదల చేసారు. ఈ ఫస్ట్ లుక్ పోస్టర్లో ఆదిత్య ఓం అడవిలో తాళ్లతో కట్టి బంధించి ఉన్నారు. ఆయన ఒంటిపై నుంచి బల్లి పాకుతోంది. ప్రక్కనే వున్న చెట్టు మీద ఓ కొండచిలువ ఉంది. టోటల్ గా ఈ పోస్టర్ టాలీవుడ్ ప్రేక్షకులలో ఆసక్తిని రేకెత్తించేలా వెరైటీగా వుంది.
