Hero Srikanth : ఒక్కో మెట్టు ఎక్కుతూ విలన్ గా మొదలై సెకండ్ హీరో క్యారెక్టర్ చేస్తూ ఆ తరువాత సోలో హీరోగా ఎదిగిన శ్రీకాంత్ తన కెరీర్ లో సపోర్టింగ్ రోల్స్ కూడా చేసారు. ఇక ఎక్కువ శాతం మల్టీ స్టారర్ చేసిన శ్రీకాంత్ ఫ్యామిలీ ఆడియన్స్ కి తన సినిమాలతో బాగా కనెక్ట్ అయ్యాడు. లవ్, ఫ్యామిలీ ఎంటర్టైనర్స్ తో మంచి హిట్స్ అందుకున్న శ్రీకాంత్ ఒక సీరియస్ పోలీస్ ఆఫీసర్ పాత్రలో కూడా నేను చేయగలనని నిరూపించాడు ఖడ్గం సినిమాతో, అందులో పోలీస్ ఆఫీసర్ రాధకృష్ణ గా అందరినీ ఆకట్టుకున్నాడు. మహిళా అభిమానులను సొంతం చేసుకున్న శ్రీకాంత్ తన కెరీర్ అలాగే కుటుంబం గురించి ఇటీవల ఒక యూట్యూబ్ ఛానెల్ కి ఇచ్చిన ఇంటర్వ్యూలో తెలిపారు.
18 ఏళ్లలో 100 సినిమాలు… ఆ సినిమా పోయినందుకు ఫీల్ అయ్యాను…
శ్రీకాంత్ తన కెరీర్ లో అటు మల్టీ స్టారర్ సినిమాలను చేస్తూనే మరో వైపు సోలో హీరోగాను లవ్ స్టోరీలలో నటించి హిట్లు కొట్టాడు. విరామం లేకుండా ఎన్నో రాత్రులు నిద్ర లేకుండా దాదాపు 18 ఏళ్లలో 100 సినిమాలలో నటించారు. మొదటి సినిమా నుండి ‘మహాత్మ’ వందో సినిమా వరకు ఎన్నో విభిన్నమైన పాత్రలను పోషించారు శ్రీకాంత్. ఇన్ని సినిమాలను చేసినా ఒక్క కాంట్రావెర్సీ లేకుండా ఇండస్ట్రీలో నెట్టుకొచ్చారు. ఇప్పటికీ హీరోగా చేస్తూనే మరోవైపు కుర్ర హీరోల సరసన క్యారెక్టర్ ఆర్టిస్ట్ గా నటిస్తున్న శ్రీకాంత్ తన సినిమా కెరీర్ లో రిగ్రేట్ అయిన సినిమాలను గూర్చి వివరించారు.
అప్పట్లో బిజీ షెడ్యూల్ లో పనిచేసే శ్రీకాంత్ ఎడిటర్ మెహన్ గారి సినిమా ‘మనసిచ్చి చూడు’లో అవకాశం రాగానే కథా అన్ని నచ్చినా డేట్స్ అడ్జస్ట్ చేయలేక వదులుకున్నాడట. అయితే తాను ఆల్రెడీ చేస్తున్న సినిమా ఫ్లాప్ అవగా ఎడిటర్ మోహన్ గారు వడ్డే నవీన్ తీసిన ఆ సినిమా మంచి హిట్ అవడంతో చాలా బాధేసింది అంటూ రీసెంట్ ఇంటర్వ్యూలో తెలిపారు. అటువంటి సినిమాలు ఇంకా కొన్ని ఉన్నాయంటూ తెలిపారు శ్రీకాంత్.
