Hero Sumanth : అక్కినేని నట వారసుడిగా ఆయన పోలికలతో ఇండస్ట్రీకి పరిచయమైన సుమంత్ హీరోగా ఎంట్రీ ఇచ్చి గుర్తింపు తెచ్చుకున్నా మంచి హిట్లనైతే సంపాదించుకోలేదు. అక్కినేని గ్లామర్, నటన రెండూ ఉన్నా కథల ఎంపికలో తడబడి సినిమా ఇండస్ట్రీలో నిలదొక్కుకోలేదు. ఈ మధ్య కాలంలో అడపా దడపా క్యారెక్టర్ రోల్స్ అలానే హీరోగా కథ నచ్చినట్టు సినిమాలను చేస్తూ అలరిస్తున్న సుమంత్ తనకు ఎన్టీఆర్ కథనాయకుడు, మహానాయకుడు లో నటించినపుడు బాలకృష్ణ తో ఉన్న రిలేషన్, అలానే నందమూరి అక్కినేని గొడవలమీద స్పందించారు.
నందమూరి, అక్కినేని ల మధ్య గొడవలు…
బాలకృష్ణ గారితో పనిచేయడం గురించి మాట్లాడుతూ ఆయన సినిమా విషయంలో ఎన్సైక్లోపీడియా అంటూ చెప్పారు. ఎన్టీఆర్ గారివి నాగేశ్వరావు గారి పాత సినిమా డైలాగులన్నీ బాగా చెప్తారని ఆయనకు బాగా గుర్తుంటాయి అంటూ చెప్పారు. ఇక నందమూరి, అక్కినేని కుటుంబాల మధ్య కోల్డ్ వారు ఉందని బయటకు వినిపిస్తుంటాయి అది నిజమేనా అనే ప్రశ్న ఎదురావగా అలాంటిదేమీ లేదని క్లారిటీ ఇచ్చారు.
పైకి వచ్చే పుకార్లే తప్ప నిజానికి అలాంటిదేమీ లేదు అంటూ చెప్పారు సుమంత్. ‘మనం’ సినిమా అపుడు నందమూరి ఫ్యామిలీ వల్లే నంది అవార్డు రాలేదనే టాక్ మీద కూడా స్పందించిన సుమంత్ అలాంటిదేమీ లేదంటూ నందమూరి కుటుంబంతో మంచి అనుబంధం ఉందంటూ చెప్పారు. ఇటీవలే అక్కినేని తొక్కినేని అంటూ బాలకృష్ణ చేసిన వాఖ్యలు, మళ్ళీ మా బాబాయ్ ను నేనంటానా అంటూ చెప్పడంతో ఈ పాత ఇంటర్వ్యూ మళ్ళీ వైరల్ అవుతోంది.
