Heroine Amani : సహజమైన తన అందంతో, నటనతో మంచి గుర్తింపు తెచ్చుకుని సగటు ఇల్లాలి పాత్రలలో ఒదిగిపోయి నటించి ప్రేక్షకుల మదిలో నిలిచిపోయిన హీరోయిన్ ఆమని. హీరోయిన్ గా మంచి పాత్రలను చేసి తన నటనను నిరూపించుకున్న ఆమని ప్రస్తుతం సినిమాల్లో అడపాదడపా కనిపిస్తూ, అటు బుల్లితెర మీద కూడా సందడి చేస్తోంది. ఇటీవలే ఎమ్సీఏ, చావు కబురు చల్లగా, మోస్ట్ ఎలిజిబుల్ బ్యాచిలర్ వంటి సినిమాలలో నటించింది. ఇక బుల్లితెర మీద అటు రియాలిటీ షోకి అప్పుడప్పుడు జడ్జి గా వ్యవహారిస్తూ సీరియల్స్ కూడా నటిస్తూ అలరిస్తున్న ఆమని తన కెరీర్ అలాగే వ్యక్తిగత విషయాలను పంచుకున్నారు.
చిరంజీవి అంటే పిచ్చి… కానీ ఇప్పటివరకు నటించలేదు…
సినిమాల్లో నటిస్తే హీరోయిన్ గానే నటించాలి అని ఇండస్ట్రీకి వచ్చిన ఆమని మొదట్లో బాగా ఇబ్బందులు పడినా చివరకు సినిమాల్లో హీరోయిన్ గానే తన కెరీర్ మొదలు పెట్టింది. అలా ప్రాధాన్యత ఉన్న పాత్రల్లో నటిస్తూ మెప్పించిన ఆమనికి మెగాస్టార్ చిరంజీవి గారంటే చాలా ఇష్టమట. తన డ్రీమ్ హీరో చిరునే అంటూ పలు ఇంటర్వ్యూల్లో చెప్పిన ఆమని ఆయనతో కలిసి నటించే అవకాశం రిక్షావోడు సినిమాలో మిస్ అయినందుకు చాలా బాధపడిందట.
మొదట ఆమని ని హీరోయిన్ గా తీసుకున్నా సినిమా షూటింగ్ మొదలు పెట్టక ముందే డైరెక్టర్ మార్పు జరగడంతో ఆమని ప్లేసులో నగ్మా ను తీసుకున్నారట. దాంతో ఆమని గారు చిరుతో నటించే అవకాశం కోల్పోయారు. సౌందర్య, ఆమని ఇద్దరూ మంచి స్నేహితులు కాగా అప్పటికే ఇద్దరి కాంబినేషన్ లో సినిమాలను చేసారు. మరోసారి మన ఇద్దరి కాంబినేషన్ లో సినిమా వస్తోంది అని సౌందర్య కాల్ చేసి మరీ చెప్పిందట. కానీ మిస్ అయ్యాక బాధపడ్డారట.
