Heroine Laya : తన సహజ నటనతో గుర్తింపు తెచ్చుకుని తెలుగు అమ్మాయి అయినా కూడా మంచి అవకాశాలతో దుసుకుపోయిన నటి లయ. గ్లామర్ రోల్స్ కి దూరంగా ఉంటూనే మంచి సినిమాలలో నటించి తెలుగు ఇండస్ట్రీలో తనకంటూ ఒక గుర్తింపునందుకున్న లయ పెళ్లి తరువాత సినిమాలకు దూరమైంది. చాలా కాలం తరువాత సోషల్ మీడియాలో సందడి చేస్తున లయ మళ్ళి సినిమాల్లోకి రీ ఎంట్రీ ఇవ్వాలని భావిస్తున్నారు. అప్పటి సినిమా అనుభవాలను సీనియర్ ఆర్టిస్టులతో ఎక్స్పీరియన్స్ ను షేర్ చేసుకున్న లయ తనను ఇబ్బందిపడిన షూటింగ్స్ కూడా తెలిపారు.
ఏనుగు తొక్కేసేది… విజయశాంతి ఏం చేసారంటే…
లయ తెలుగుతో పాటు కన్నడ, తమిళం వంటి ఇతర భాషలలో కూడా సినిమాలను చేసారు. అలా చేస్తున్న సమయంలో తమిళంలో సీనియర్ హీరోయిన్ విజయశాంతితో కలిసి నటించిన ఒక సినిమా షూటింగ్ లో జరిగిన సంఘటనలను తెలిపారు. ‘మహా చండి’ గా తెలుగులో డబ్ అయిన ఆ సినిమాలో విజయశాంతి అమ్మవారిగాను ఆమె భక్తురాలిగా లయ నటించారట. ఆ సినిమాలో ఒక సన్నివేశంలో ఏనుగు మీదకు ఎక్కే సీన్ లో రిహర్సల్ చేసేటపుడు బాగానే వచ్చినా రియల్ గా సీన్ చేసేటపుడు ఏనుగు కిందకు పడేసి కాలితో తొక్కబోయిందంట.
వెంటనే పక్కకు జరిగిన లయ ఏనుగు సీన్ చేయడానికి బాగా భయపడిందట. ఆ తరువాత మళ్ళీ రెండు రోజులకు అదే ఏనుగుతో మళ్ళీ అదే సీన్ షూట్ చేసినపుడు భయపడినా విజయశాంతి గారు ఏం పర్వాలేదు ఏనుగు తొండంను ఇలా అను అని చెప్పి ఫ్రూట్స్ తినిపించమని చెప్పారట. అలా చేసాక ఆ ఏనుగు లయను ఏమీ చేయలేదట. భయపడుతూనే ఆ సీన్ కంప్లీట్ చేశాను అంటూ లయ తన అనుభవాలను పంచుకున్నారు.
