Heroine Laya : ‘స్వయంవరం’ సినిమాతో ఇండస్ట్రీలో హీరోయిన్ గా తొలి అవకాశంతోనే మంచి గుర్తింపు తెచ్చుకున్న నటి లయ. తెలుగమ్మాయి అయినా కూడా తెలుగు ఇండస్ట్రీలో నిలదొక్కుకుని స్వయం వరం, ప్రేమించు అంటూ వరుస హిట్లందుకుంది. అలాగే నంది పురస్కారాలను కూడా అందుకుంది. తన నటనతో ఆందరినీ ఆకట్టుకున్న లయ కెరీర్ బాగా ఉన్న సమయంలోనే పెళ్లి చేసుకుని అమెరికాలో సెటిల్ అయ్యారు. ఆ తరువాత కుటుంబం బాధ్యలకు దగ్గరైన లయ సినిమాలకు దూరమైయ్యారు. ప్రస్తుతం సెకండ్ ఇన్నింగ్స్ మొదలు పెట్టాలనుకుంటున్న లయ ఒకవైపు సోషల్ మీడియాతో అభిమానులకు టచ్ లో ఉంటూనే మరోవైపు సినిమాల్లోనూ చేయాలని అనుకుంటున్నారు. తాజాగా ఒక యూట్యూబ్ ఛానెల్ కి ఇచ్చిన ఇంటర్వ్యూలో పాల్గొన్న లయ తన ఫ్యామిలీ గురించి వ్యక్తిగత విషయాలను పంచుకున్నారు.
పెళ్ళికి వచ్చిన పవన్ కళ్యాణ్…
కెరీర్ ఇంకా ఉండి సినిమాల్లో హీరోయిన్గా చేస్తున్న సమయంలోనే లయ పెళ్లి చేసుకుని అమెరికా వెళ్లిపోయారు. అయితే ఆమె పెళ్ళికి సినిమా ఇండస్ట్రీ నుండి అందరినీ పిలిచిన లయ పవర్ స్టార్ పవన్ కళ్యాణ్ ను కూడా పెళ్ళికి పిలిచారట. అప్పాయింట్మెంట్ లేకపోయినా వెంటనే కలిసిన ఆయన పెళ్ళికి రమ్మని పిలిస్తే వస్తానని చెప్పారు, అయితే నిజంగానే వస్తారని అనుకోలేదు అంటూ లయ తెలిపారు.
రిసెప్షన్ సమయానికి ఇంకా అతిధులెవరూ రానప్పుడే పవన్ కళ్యాణ్ గారు వచ్చి విష్ చేసి వెళ్లారు. ఏం మాట్లాడాలో అర్థం కాలేదు. నేను ఏదో మామూలుగా వస్తానని చెప్పారు కానీ రారు అనుకున్నాను కానీ ఆయన వచ్చేసరికి ఏం మాట్లాడాలో అర్థం కాలేదు. భోజనము చేసి వెళ్ళండని చెప్పాను. ఆయన నవ్వి భోజనము చేసి వెళ్లాలా అంటూ వెళ్లిపోయారు. ఆయన వస్తున్నట్లు ముందుగా ఎవరికీ తెలియదు ఒకవేళ తెలుసుంటే అక్కడ పరిస్థితి వేరేలా ఉండేది. అప్పటికీ ఆయన స్టేజి మీదకు రాగానే హడావిడి జరిగింది అంటూ పవన్ కళ్యాణ్ గురించి ఆమె జ్ఞాపకాలను పంచుకున్నారు.
