Heroine Prema : ‘దేవి’ సినిమాతో చెరగని ముద్ర వేసుకున్న నటి ప్రేమ ‘ధర్మచక్రం’ సినిమాలో వెంకటేష్ సరసన నటించి క్రేజ్ తెచ్చుకున్నారు. తెలుగులో చేసినవి కొన్ని సినిమాలే అయిna తెలుగమ్మాయి అనే ముద్ర వేసుకున్న ఈ ముద్దుగుమ్మ కన్నడ కస్తూరి. ఇక ఆమె సినిమాల్లోకి వచ్చాక తెలుగు మలయాళం, తమిళం, కన్నడ సినిమాల్లో నటించిన మంచి పేరు తెచ్చుకున్నారు. రాయలసీమ రామన్న చౌదరి అలాగే ఢీ, చిరునవ్వుతో వంటి సినిమాల్లో నటించిన ఆమె ప్రస్తుత తెలుగులో నటించడం లేదు. ఇక బెంగళూరులో నివాసముంటున్న ఆమె తన ఒక యూట్యూబ్ ఛానెల్ కి ఇచ్చిన ఇంటర్వ్యూలో తన కెరీర్ అలాగే వ్యక్తిగత జీవితం గురించి వివరించారు.
ఆస్తులు ఎన్ని ఉన్నాయంటే…
ప్రేమ గారు ఒకవైపు తెలుగులో మంచి పేరు సంపాదించుకుంటూనే మాతృ భాష కన్నడ లోనూ అందరు అగ్ర హీరోలతోనూ సూపర్ హిట్స్ లో నటించింది. అలాగే తమిళం, మలయాళం సినిమాల్లోనూ నటించిన ప్రేమ అప్పట్లో డిమాండ్ ఉన్న హీరోయిన్ గా మంచి రెమ్యూనరేషన్స్ అందుకున్నారు. అలా మంచి ఆస్తులు కూడా ఉన్నాయి. అయితే ప్రేమ మాత్రం సింపుల్ గా ఒకప్పటి అగ్ర హీరోయిన్ అని స్టేటస్ ఏమాత్రం చూపించకుండా సాధారణంగా ఉన్నారు.
ఆస్తుల కంటే గౌరవం సంపాదించుకోవడం ముఖ్యం అని తనకు ఆస్తి చాలా ఉందని వివరించారు ప్రేమ. ఇక తాను హీరోయిన్ గా పీక్స్ లో ఉన్న సమయంలో కన్నడ హీరో ఉపేంద్ర తో ప్రేమలో ఉన్నట్లు అప్పట్లో వినిపించిన వార్తల మీద స్పందించిన ప్రేమ అవన్నీ ఒట్టి పుకార్లేనని, రాసిన వారినే అడగాలంటూ చెప్పారు. మా ఇద్దరికీ అంత క్లోజ్ రిలేషన్ కూడా ఏమి లేదు, ఎపుడూ బయట కలిసింది కూడా లేదు కానీ అలాంటి రూమర్స్ వస్తుంటాయి. వాటిని నేను అసలు పట్టించుకోను అంటూ తెలిపారు.
