Imandhi Ramarao : 14 ఏళ్ల వయసులోనే సినిమాల్లోకి అడుగుపెట్టి నేటి భారతం, ప్రతిఘటన వంటి సినిమాలతో నటనతో మెప్పించిన విజయశాంతి ఆ తరువాత గ్లామర్ హీరోయిన్ గా కూడా సక్సెస్ అయింది. సౌత్ అన్ని భాషలలో నటించిన విజయశాంతి అటు హిందీలో కూడా నటించింది. ‘కర్తవ్యం’ వంటి సినిమాలతో లేడీ ఓరియంటెడ్ సినిమాలకు కేర్ ఆఫ్ గా మారిపోయింది. తొంభై లలో అగ్ర హీరోయిన్ గా వెలిగిన విజయశాంతి ఏకంగా అప్పటి అగ్ర హీరోలైన చిరంజీవి, రజనీకాంత్ వంటి హీరోలకు సమానంగా రెమ్యూనరేషన్ తీసుకుంది. ఇక రాజకీయాల్లోనూ చెరగని ముద్ర వేసుకున్న విజయ శాంతి అప్పట్లో చిరు, బాలయ్యలకు హిట్ కాంబినేషన్. ఏకంగా ఇద్దరితో పదుల సంఖ్యలో సినిమాల్లో నటించింది. అందులోనూ చాలా వరకు బ్లాక్ బస్టర్స్ గా నిలిచాయి.
విజయశాంతి భర్త ఎవరంటే… పిల్లల్ని ఎందుకు కనలేదు…
ఇక రాజకీయాంగాను తల్లి తెలంగాణ పార్టీ పెట్టి రాజకీయాల్లోకి అడుగు పెట్టిన విజయశాంతి ఆ తరువాత తెరాస, కాంగ్రెస్ ఇప్పుడు బీజేపీ లో క్రియాశీలకంగా ఉన్నారు. అయితే వ్యక్తిగత జీవితం గురించి చాలా గోప్యంగా ఉండే విజయశాంతి తన భర్త పేరును కూడా ఎపుడూ బయటకు చెప్పలేదు. ఈ మధ్య కాలంలోనే ఆయన గురించిన వివరాలు తెలిసాయి జనాలకు. విజయశాంతి భర్త పేరు శ్రీనివాసరావు ప్రసాద్ గారు. విజయశాంతి తండ్రి పేరు కూడా అదే కావడం విశేషం. అందుకే ఆమె తన భర్తను నాన్న అని అంటే శ్రీనివాసరావు ప్రసాద్ గారు చిన్ని అని పిలుస్తారు. ఇక మరో ఆసక్తికర విషయం ఏంటంటే శ్రీనివాస్ ప్రసాద్ గారు బాలకృష్ణ గారికి బంధువు.
బాలకృష్ణ గారి వద్ద ఉండేవారు చాలంకాలం అయన సినిమాలకు సంబంధిచిన వ్యవహారాలు చూసుకున్నారు. ఇక విజయశాంతి గారు మొదటి నుండి సమాజ సేవ గురించి ఆలోచించడం వల్ల సొంత పిల్లలు వద్దని భావించారట. సమాజానికి ఉపయోగపడే పనులు చేయాలని భావించి తాను ఈ నిర్ణయం తీసుకున్నారట. ఈ విషయాల్ని ఇటీవల యూట్యూబ్ లో ఒక ఇంటర్వ్యూలో సీనియరర్ జర్నలిస్ట్ ఇమంది రామారావు గారు పంచుకున్నారు. ఆయన ఆంధ్ర ప్రభ పత్రికలో విజయశాంతి జీవిత కథను ‘నా కథ’ అనే టైటిల్ తో వారం వారం వచ్చేలా రాసేవారు.
