Imandi Ramarao : మా అసోసియేషన్ ఎన్నికలు జరిగి ఏడాది అయిపోయింది. సాధారణ సర్వత్రిక ఎన్నికలను తలపించేలా ఈసారి మా ఎలక్షన్స్ జరిగాయి. మా అసోసియేషన్ బిల్డింగ్ తన సొంత డబ్బుతో కట్టిస్తానని, నేను లోకల్ అంటూ ఇండస్ట్రీ లో చిన్న ఆర్టిస్తులకు హామీలు ఇచ్చిన విష్ణు ఆ హామీల వల్లే ప్రకాష్ రాజ్ ప్యానెల్ మీద విజయం సాధించాడు. అయితే మా అధ్యక్షుడు అయి ఏడాది గడిచిపోయింది. ఈ ఏడాదిలో ఏం పనులు చేసాడు హామీలను ఎంతవరకు నిలబెట్టుకున్నాడు అన్న విషయాల మీద మీటింగ్ ఏర్పాటు చేసి విష్ణు మాట్లాడారు. ఇక విష్ణు మాటల మీద ఆయన హామీల మీద సీనియర్ జర్నలిస్ట్ ఇమంది గారు ఆయన విశ్లేషణ చెప్పారు.
ఒక్క హామీ అయినా తీరిందా.. ఆ స్టార్ హీరో మీద పడి ఏడవడం తప్ప…
విష్ణు మా అసోసియేషన్ భవనం సొంత డబ్బుతో కడతానని హామీ ఇవ్వడం వల్లే గెలిచాడు. కానీ ఇంతవరకు ఏడాది గడిచినా ఆ దిశగా చర్యలు తీసుకోలేదు. మిగిలిన హామీలను చేస్తున్నాను మా బిల్డింగ్ కోసం రెండు ఆప్షన్స్ ను సభ్యుల ముందు పెట్టాను అంటూ ఒకటి ఫిల్మ్ నగర్ లో ఉన్న ఒక భవనం మా బిల్డింగ్ కోసం తీసుకోవడం. లేదా ఇపుడున్న పాత ఫిల్మ్ అసోసియేషన్ బిల్డింగ్ ను పడగొట్టి నిర్మించడం. మొదటి దానికి ఒక ఏడాది లో అయిపోతుంది. రెండో ఆప్షన్ అయితే ఒక నాలుగేళ్ళైనా సమయం పడుతుంది అంటూ చెప్పారు. ఇక ఈ విషయాల మీద మాట్లాడుతూ ఇమంది గారు విష్ణు హామీల విషయంలో ఒక్కటైనా జరిగిందా, ఉన్న పాత భవనం పడగొట్టి మళ్ళీ కట్టడమేమిటి, ఇపుడున్న భవనం లో వ్యాపార సముదయాలు కళ్యాణ మండపం అన్నీ ఉన్నాయి మంచి ప్రణాళికతో అప్పట్లో కట్టారు.
దాన్ని కూల్చి మళ్ళీ కొత్తది కట్టడం ఏమిటి అంటూ ప్రశ్నించారు. ఇలాగే కాలయాపన చేసి చివరికి ఇండస్ట్రీలో కొంతమంది నేను చేసే మంచి పనులను ఓర్వలేక పనులను జరగనివ్వలేదు అంటూ చెబుతారు. ఆ వ్యక్తి ఎవరని మాత్రం చెప్పరు. ఇప్పుడు కూడా మా గెలుపును ఓర్వలేక మా మీద సోషల్ మీడియా వేదికగా ట్రోల్స్ చేయిస్తున్నాడు ఆ బడా హీరో అంటూ మాట్లాడుతారు కానీ ఆ హీరో ఎవరో చెప్పరు. చిరంజీవి గారికి మోహన్ బాబు గారికి ఎపుడూ కోల్డ్ వార్ నడుస్తూనే ఉంది అంటూ ఇమంది గారు విష్ణు గురించి అభిప్రాయపడ్డారు.
