అలా కాకతాళీయంగా జరుగుతుందో లేక కథానాయికల అభినయమో.. మొత్తానికి ఈ హీరో ఏ హీరోయిన్ తో నటించిన ఆమే భవిష్యత్తులో సినీ పరిశ్రమలో ఒక గొప్ప స్టార్ గా ఎదుగుతుంది. 1976 లో కె.విశ్వనాథ్ దర్శకత్వంలో వచ్చిన సిరిసిరిమువ్వ సినిమాలో చంద్రమోహన్, జయప్రద జంటగా నటించారు. ఈ సినిమా ఒక కళాత్మక సినిమాగా పేర్కొనవచ్చు. సిరిసిరిమువ్వ తర్వాత 1977లో జయప్రద తన సినీ భవిష్యత్ ను మార్చే జాక్ పాట్ కొట్టేసింది. ఈ సంవత్సరం జయప్రద ఎన్టీఆర్ తో రెండు సినిమాలు చేసే అవకాశం వచ్చింది. 1అడవి రాముడు. 2.యమగోల ఈ రెండు సినిమాలు బాక్సాఫీస్ వద్ద సూపర్ హిట్ అయ్యాయి.
శ్రీదేవి తెలుగులో అనురాగాలు అనే సినిమాలో హీరోయిన్ గా వెండితెరపై కనిపించింది. 1978 లో వచ్చిన పదహారేళ్ళ వయసు సినిమాలో చంద్రమోహన్ శ్రీదేవి జంటగా నటించారు. ఈ సినిమా సూపర్ హిట్ అవగా ఆ తర్వాత శ్రీదేవి.. వేటగాడు, కొండవీటి సింహం, జస్టిస్ చౌదరి, ప్రేమాభిషేకం, బెబ్బులిపులి లాంటి ఘనవిజయాలతో తెలుగు లోనే కాదు బాలీవుడ్ లో కూడా గొప్ప స్టార్ గా వెలుగొందింది.
1978లో వచ్చిన ప్రాణం ఖరీదు సినిమాలో చంద్రమోహన్ జయసుధ కలిసి నటించారు. ఈ సినిమా తర్వాత కలియుగ స్త్రీ, సాక్షి, వింత కోడళ్ళు, శ్రీమతి ఒక బహుమతి, నిండు నూరేళ్లు, ఆక్రందన, ఇంటింటి రామాయణం, కలికాలం లాంటి అనేక చిత్రాల్లో ఈ ఇద్దరు జతకట్టారు. ఆ తర్వాత జయసుధ తిరుగులేని నటిగా గా తెలుగు పరిశ్రమలో వెలుగొందారు.
1983లో వచ్చిన పెళ్లి చూపులు సినిమాలో చంద్రమోహన్, విజయశాంతి కలిసి నటించారు. ఆ తర్వాత వీరిద్దరి కాంబినేషన్ లో 1986లో వచ్చిన ప్రతిఘటన సినిమా ఏకంగా బ్లాక్ బస్టర్ గా నిలిచింది. విజయశాంతి ఎన్.టి.రామారావు, నాగేశ్వరరావు, కృష్ణ, శోభన్ బాబు, చిరంజీవి, బాలకృష్ణ, నాగార్జున, వెంకటేష్ ఇలా అనేక హీరోలతో నటిస్తూ బిజీ హీరోయిన్ గా మారిపోయింది. శ్రీదేవి తర్వాత అంతటి స్టార్ డమ్ విజయశాంతి సొంతం చేసుకుంది. చంద్రమోహన్ తో నటించిన అనేక మంది హీరోయిన్స్ టాలీవుడ్, బాలీవుడ్ లో టాప్ స్టార్ గా వెలుగొందిన ఎందుకనో చంద్రమోహన్ మాత్రం పెద్ద స్టార్ గా ఎదగలేకపోయారు
