Isha Koppikar : క్యాస్టింగ్ కౌచ్, కమిట్మెంట్ పేరు ఏదైనా ఒక సినిమాలో అవకాశం కోసం ఒక లేడీ ఆర్టిస్ట్ లైంగిక వేధింపులకు గురవ్వుతూనే ఉంది. ఇది ఒక్క సినిమా రంగంలోనే కాదు మిగిలిన రంగాల్లో కూడా ఉన్నా ఎంటర్టైన్మెంట్ ఇండస్ట్రీ లో బయటకు వచ్చింది. చాలా కాలంగా క్యాస్టింగ్ కౌచ్ ఉన్నా ఈ మధ్య కాలంలో హీరోయిన్లు క్యారెక్టర్ ఆర్టిస్టులు వాళ్ళు ఎదుర్కొన్న లైంగిక వేధింపులను బహిరంగంగా చెప్పడం వల్ల కొన్ని సంఘటనలు బయటికి వస్తున్నాయి.
ఆ బాలీవుడ్ హీరో, నిర్మాత వేదించాడు…
చంద్రలేఖ, కేశవ, ప్రేమతో రా వంటి సినిమాలతో తెలుగు ప్రేక్షకులకు పరిచయమున్నా ఇషా కొప్పీకర్ ఆ సినిమాల తరువాత టాలీవుడ్ లో కనిపించలేదు. బాలీవుడ్ ని నమ్ముకున్న ఇషా తాజాగా క్యాస్టింగ్ కౌచ్ అనుభవాలను పంచుకుని అందరికీ షాకిచ్చింది. ఒక బాలీవుడ్ బడా హీరో మరియు నిర్మాత తనను లైంజిక వేధింపులకు గురిచేసాడని చెప్పింది.
ఒక సినిమాలో అవకాశం ఇచ్చిన ఆ బాలీవుడ్ హీరో తనను వ్యక్తిగతంగా కలవమని చెప్పగా తన సిబ్బందితో పాటు వెళ్లి ఆ హీరోను కలిసే ప్రయత్నం చేసిందట ఇషా. దీంతో ఆ హీరో ఆమెతో మీటింగ్ క్యాన్సిల్ చేసి మరుసటి రోజున ఆమెను సినిమా నుండి తొలగించచారట. ఒక హీరోయిన్ అందంగా ఉండటమే కాదు హీరోల లిస్టులో చేరడం కూడా ముఖ్యమే అంటూ, కమిట్మెంట్ కి తలవంచక పోవడం వల్ల పెద్ద సినిమాల్లో అవకాశాలు కోల్పోయానని ఇషా చెప్పింది. సినిమా ఇండస్ట్రీలో గొప్ప కెరీర్ లేకపోయినా నిజాయితీగా బతకడమే నాకు ముఖ్యం అంటూ ఇషా కోప్పీకర్ అభిప్రాయపడింది.
