Jayamalini : తెలుగులో ఎన్టీఆర్ ఏఎన్ఆర్ తరువాత అగ్ర నటుడుగా గుర్తింపు పొందిన హీరో హరనాథ్ గారు. మొదటి సినిమాతోనే హీరోగా మంచి ఇమేజ్ తెచ్చుకున్న ఆయన రొమాంటిక్ హీరోగా పేరు తెచ్చికున్నారు. ‘సీతా రామ కళ్యాణం’ లో రాముడిగా, ‘భీష్మ’ సినిమాలో కృష్ణుడిగా ఇలా పౌరానిక పాత్రాల్లో కూడా మెప్పించిన హరనాథ్ గారు ఎక్కువ సినిమాలు చేయకపోయినా తెలుగు ప్రేక్షకుల మనసులో మంచి ముద్ర వేశారు. ఇక ఐటమ్ సాంగ్స్ లో క్వీన్ గా చెప్పుకోదగిన జయమాలిని గారు హరనాథ్ గారి గురించి తాజాగా ఒక ఇంటర్వ్యూలో పంచుకున్నారు.
అందువల్లే ఆయన మరణించారు…
హరనాథ్ గారు మంచి హిట్ సినిమాలలో నటిస్తూ హీరోగా అగ్ర స్థానములోకి వెళ్తోన్న సమయంలో ఒక్కసారిగా ఆయన సినిమాల్లో అవకాశాలు తగ్గిపోయాయి. ఇక చివరి రోజుల్లో అతిధి పాత్రలను చేస్తూ వచ్చినా ఆర్థిక ఇబ్బందులతో చాలా అవస్థలు పడ్డారు. ఆయన ఆ దుస్థితికి కారణం ఆయన అలవాట్లే అంటూ జయమాలిని వివరించారు.
ఆయనతో కలిసి ఒక సినిమాలో నటించిన జయమాలిని గారు అపుడు ఆయన ఎంత పెద్ద హీరోనో తెలియదంటూ చెప్తూ అయితే ఆయన చాలా సింపుల్ గా ఉండేవారంటూ చెప్పారు. అయితే ఆయనకు మందు, సిగరెట్ వంటి అలవాట్లు ఉండటం వల్ల సినిమాల్లో అవకాశాలు తగ్గి ఆర్థికంగా కూడా చాలా ఇబ్బందులు పడ్డారంటూ అలానే ఆయన మరణించారంటూ హరనాథ్ గారి గురించి జయమాలిని తెలిపారు.
