టాలీవుడ్ కాజల్ పెళ్లి వార్త మరోసారి టాక్ అఫ్ ది టౌన్ అయింది. ఔరంగాబాద్కి చెందిన ఒక బిజినెస్ మ్యాన్ తో కాజల్ పెళ్లి చేసుకోబోతున్నట్లు వార్త ఫిలింనగర్ లో వైరల్ అవుతోంది. వీరిద్దరి కుటుంబ సభ్యులు పెళ్లిపై ఇప్పటికే అన్ని మాట్లాడేసుకున్నారని, త్వరలోనే ఈ విషయంపై అధికారిక ప్రకటన కూడా చేయనున్నట్టు సమాచారం. మరి తాజాగా పెళ్లిపై వస్తున్న వార్తలపై కాజల్ స్పందన ఏంటో చూడాలి..
ఎప్పుడో 15 ఏళ్ల క్రితం మొదలుపెట్టిన కాజల్ సినిమా కెరీర్ ఇప్పటికి చేతి నిండా సినిమాలతో బిజీ బిజీగా గడుపుతోంది. తెలుగులో చిరంజీవి సరసన ‘ఆచార్య’, మంచు విష్ణు తో ‘మోసగాళ్లు’ చిత్రాల్లో నటిస్తోంది… అదే సమయంలో తమిళంలో కమల్ హాసన్ ‘ఇండియన్ 2’, ‘హే సినామికా’లో కనిపించనుంది ముద్దుగుమ్మ. అలాగే హిందీలో ఒక సినిమా.. వీటితో పాటు ‘లైవ్ టెలికాస్ట్’ అనే వెబ్ సిరీస్లోనూ కాజల్ కనువిందు చేయనుంది. ఇవేకాకుండా ఆమె చేతినిండా మరిన్ని ప్రాజెక్ట్లు ఉన్నట్లు సమాచారం.
