Kajal and Gowtham kichlu blessed with baby boy : టాలీవుడ్ చందమామ, పంచదార బొమ్మ కాజల్ అగర్వాల్ 2020 అక్టోబర్ 30న వ్యాపార వేత్త గౌతమ్ కిచ్లును వివాహం చేసుకుంది. కరోనా లాక్ డౌన్ వల్ల అత్యంత సన్నిహితులు బంధువుల నడుమ పెళ్లి జరిగింది. ఇక ఆ తర్వాత కాజల్ సోషల్ మీడియాలో చురుగ్గా ఉంటూ తనకు సంబంధించిన విషయాలను అభిమానులతో పంచుకుంటుంది. పెళ్లి తర్వాత కొన్నిరోజులకే కాజల్ తల్లికాబోతోంది అంటూ వార్తలోచ్చిన ఈ ఏడాది జనవరిలో తాను తల్లి కాబోతున్నట్లు కాజల్ సోషల్ మీడియాలో ప్రకటించింది.
ఇక ఈ రోజు ఆమెకు డెలివరీ అయ్యింది. పండంటి మగబిడ్డకు జన్మనిచ్చారని సమాచారం. అయితే బిడ్డ జన్మించిన విషయాన్ని ఇంకా వెల్లడించలేదు. కానీ, పలువురు సినిమా తారలు కాజల్ దంపతులకు శుభాకాంక్షలు చెబుతున్నారు. కాజల్ అగర్వాల్ చెల్లి నిషా అగర్వాల్ ఈ విషయం గురించి ఉదయాన్నే ఒక హింట్ ఇచ్చింది. సోషల్ మీడియాలో ఉదయాన్నే శుభవార్త కోసం ఎదురుచూస్తున్న అంటూ పోస్ట్ పెట్టి హింట్ ఇచ్చింది.
ప్రెగ్నెంట్ అయిన తర్వాత మహిళలు ఎటువంటి జాగ్రత్తలు తీసుకోవాలో చెబుతూ, ఇక ప్రెగ్నెంట్ గా ఉన్న సమయంలో చేయాల్సిన వ్యాయామాలను కాజల్ అగర్వాల్ వీడియోలు షేర్ చేశారు. తనపై బాడీ షేమింగ్ విమర్శల పట్ల కూడా స్పందించారు. గర్భం దాల్చిన సమయంలో మహిళలు ధైర్యంగా ఉండాలంటూ సోషల్ మీడియాలో పోస్ట్ ల ద్వారా చెప్పారు.
