Kantharao Daughter susila rao : తెలంగాణ మొదటి సూపర్ స్టార్ అంటే కత్తుల కాంతారావు గారే. ఎన్టీఆర్ తో పాటు ఆ కాలంలో పౌరాణిక సినిమాల్లో నటుడుగా రాణించిన ఆయన అటు పౌరాణిక జానపదాలతో పాటు సాంఘిక చిత్రాలలో కూడా అలరించారు. ఇక ఎన్నో సినిమాల్లో హీరోగా క్యారెక్టర్ ఆర్టిస్ట్ గా చేసిన ఆయన విలన్ గా కూడా ప్రయత్నించారు. ఇక ఆయన నటనకు ఎంతోమంది అభిమానులు ఉన్న ఆయన అస్తిత్వాన్ని నిలుపుకోవాలని వాళ్ళ పిల్లలు ఆరాట పడుతున్నారు. ఇక అంత పెద్ద హీరో అయినా సినిమాలో సంపాదించిన ఆస్తి అంతా అందులోనే పోగొట్టుకున్న ఆయన చివరగా సొంతిల్లు లేకుండా మరణించారు. ఇక ఆయన జీవిత విశేషలను పంచుకుంటూ ఆయనకు రావాల్సిన గుర్తింపు రాలేదంటూ ఆయన కూతురు సుశీలరావు బాధపడ్డారు.
ఎన్టీఆర్.. ఏఎన్ఆర్ వాళ్లే హీరోలా.. మాయా నాన్న కాదా…
సుశీలగారు తన తండ్రి గురించి మాట్లాడుతూ ఆయన ఎన్టీఆర్ ఏఎన్ఆర్ లాంటి ఇద్దరు పెద్ద నటుల మధ్య నిలదొక్కుకున్న వ్యక్తి మా నాన్న. అప్పట్లో హీరోలంటే ముగ్గురే రామారావు, నాగేశ్వరావు, కాంతారావు కానీ ఇప్పటికీ ఇండస్ట్రీలో వాళ్ళను తలుచుకుంటారు కానీ మా నాన్నను ఎవరూ పట్టించుకోరు. వాళ్లే హీరోలా మా నాన్న కాదా.. అంటూ ప్రశ్నించారు.
పౌరానిక జానపదాల్లో ఆయన ఎన్నో పాత్రల్లో జీవించారు కానీ ఈనాడు ఎవరూ ఆయనను గుర్తు చేసుకోవడం లేదు. సినిమానే ప్రపంచంగా బ్రతికిన ఆయన చేసిన తప్పేమిటి అంటూ బాధపడ్డారు సుశీల. ఆయన పిల్లలుగా మాకు ప్రభుత్వం ఏదో చేయాలని అనుకోవడం లేదు. కనీసం మా నాన్న గారికి గుర్తింపు ఇచ్చి ఏదైనా స్మారకంగా పెడితే బాగుంటుంది అదొక్కటే కోరుకునేది అంటూ చెప్పారు.
