Kiran Abbavaram: తెలుగులో రాజావారు రాణివారు ఎస్ఆర్ కళ్యాణ మండపం, సెబాస్టియన్ వంటి సినిమాల ద్వారా నటుడిగా పరిచయమయ్యారు యంగ్ హీరో కిరణ్ అబ్బవరం.ఇక ఈయన వినరో భాగ్యము విష్ణు కథ అనే సినిమా ద్వారా మరోసారి ప్రేక్షకుల ముందుకు రావడానికి సిద్ధమయ్యారు ఈ సినిమా ఫిబ్రవరి 17వ తేదీ విడుదల కానున్న నేపథ్యంలో తాజాగా ఈ సినిమా నుంచి టీజర్ లాంచ్ చేశారు.
ఈ టీజర్ లాంచ్ కార్యక్రమంలో భాగంగా హీరో కిరణ్ అబ్బవరం మాట్లాడుతూ పలు సంచలన వ్యాఖ్యలు చేశారు. ఈ క్రమంలోనే తాను ఇప్పుడే ఇండస్ట్రీలోకి వచ్చానని..తానేమి స్టార్ హీరో కాదని ఈయన తెలియజేశారు అయితే కొందరు ఉద్దేశపూర్వకంగానే తనని ఇండస్ట్రీ నుంచి పంపించేయాలని గట్టి ప్రయత్నాలు చేస్తున్నట్టు తెలియజేశారు.
కొందరు ఉద్దేశపూర్వకంగానే నాపై ఇలాంటి నెగెటివిటీ స్ప్రెడ్ చేస్తున్నారని తాను స్పందించకపోవడం వల్లే ఇలా జరుగుతోందని ఈయన తెలిపారు. ఇక ఒక సినిమా టైటిల్ కార్డ్స్ లో తాను పవర్ స్టార్ అనే ట్యాగ్ వేయించుకోకపోయినా కొందరు ఎడిట్ చేసి పవర్ స్టార్ అనే ట్యాగ్ వేశారని, అయితే ఈ విషయం గురించి తనని చాలామంది ట్రోల్ చేశారంటూ కిరణ్ అబ్బవరం వెల్లడించారు.
Kiran Abbavaram: ఉద్దేశపూర్వకంగానే నెగిటివిటీ స్ప్రెడ్ చేస్తున్నారు…
ఈ విషయంపై ఎంతోమంది మెగా, పవన్ అభిమానులు తనని ఎందుకు ఈ ట్యాగ్ తగిలించుకున్నావు అంటూ ట్రోల్ చేశారని ఈ సందర్భంగా ఈయన ఇండస్ట్రీలో తనపై కొందరు సాధిస్తున్న కక్షపూరితమైన చర్యల గురించి బయటపెట్టారు. దీంతో కిరణ్ అబ్బవరం చేసినటువంటి ఈ కామెంట్స్ వైరల్ అవుతున్నాయి.