Kirrak RP : జబర్దస్త్ లో విమర్శల పర్వం సోషల్ మీడియాలో బాగా వైరల్ అవుతోంది. జబర్దస్త్ నుండి బయటికి వచ్చిన కిర్రాక్ ఆర్పి జబర్దస్త్ మీద, మల్లెమాల మీద చేసిన ఆరోపణలకు హైపర్ ఆది, రామ్ ప్రసాద్, షేకింగ్ శేషు వంటి వారు వివరణ ఇచ్చే ప్రయత్నం చేసారు. ఇక ఈ వివాదం ఇక్కడితో సద్ధుమనగలేదు, శేషు కిర్రాక్ ఆర్పి మీద వ్యక్తిగత ఆరోపణలు చేయడంతో మరింత రాజుకుంది నిప్పు. ఇలా ఒకరిపై ఒకరు విమర్శలతో ప్రేక్షకులకు రోజూ మంచి ఎంటర్టైన్మెంట్ అయింది.
షేకింగ్ శేషు పై తీవ్ర ఆరోపణలు చేసిన కిర్రాక్ ఆర్పి…
కిర్రాక్ ఆర్పి ఒక నిర్మాతను మోసం చేసాడని వేరే వాళ్ళ ఇల్లు తన ఇల్లుగా చెప్పి ఫేక్ వీడియో చేశాడంటూ షేకింగ్ శేషు కామెంట్స్ చేసాడు. ఇక ఆది, రామ్ ప్రసాద్ కూడా కిర్రాక్ ఆర్పి చెప్పిన విషయాలన్నీ అపద్దాలని ఎందుకు అలా మాట్లాడాడో తెలియడం లేదని అన్నారు. అయితే షేకింగ్ శేషు మాత్రం వాడు అంటూ సంబోధిస్తూ ఫ్రాడ్ అంటూ అనడం తో బాగా వైరల్ అయింది. ఇక ఇష్యూ పై కిర్రాక్ ఆర్పి స్పందిస్తూ అపద్ధాలు చెప్పాల్సిన పని లేదు.
జబర్దస్త్ లో జరిగినవి, నేను చేసిన ఆరోపణలు నిజం అంటూ చెప్పాడు. షేకింగ్ శేషు నా గురించి చేసిన ఆరోపణల్లో నేను ఒక నిర్మాతను మోసం చేశాను అంటూ అన్నాడు. ఆఫీస్ కి నెలకు యాభై వేలు అద్దె కట్టానని సినిమా తీయక ముందే ఇరవై లక్షలు ఖర్చుచేసానని మాట్లాడాడు. సినిమా కోసం ఆఫీస్ తీసుకోక వాడి ఇంట్లో రాసుకోవాలిసిందా లేక రోడ్లో పేపర్ పెన్ పెట్టుకుని రాయాల్సిందా, మిగతా పనులు వాడి ఇంట్లో వాళ్ళు చూస్తారా అంటూ తీవ్రంగా విరుచుకుపడ్డాడు.
