Kona Venkat : తెలుగు సినిమా రైటర్, ప్రొడ్యూసర్ గా గుర్తింపు తెచ్చుకున్న కోన వెంకట్, తన పంచ్ డైలాగులకు బాగా ఫేమస్. దూకుడు, అదుర్స్, అల్లుడు శీను వంటి సినిమాల ద్వారా మంచి గుర్తింపు తెచ్చుకున్నాడు. కెరీర్ మొదట్లో హిందీ సినిమాలకు డబ్బింగ్ రైటర్ గా పనిచేసిన కోన వెంకట్ దాదాపు 50 సినిమాలకు పనిచేసాడు. ఇటీవలే తాను సినిమాల్లోకి వచ్చి ఇరవై ఏళ్ళు గడిచిన సందర్బంగా సెలెబ్రేట్ చేసుకున్నారు. ఇక శీను వైట్ల కోన వెంకట్ జోడి సినిమాల్లో మంచి హిట్లు అందుకున్నారు. ఇక సమకాలిన సినిమా ఇండస్ట్రీ విషయాలను అలాగే రాజకీయాల గురించి కోన తన అభిప్రాయాలను చెప్పారు. ఇక పవన్ కళ్యాణ్ తో తన అనుబంధం గురించి తెలిపారు. రాజకీయంగా వైసీపీ పార్టీతో ఉన్న కోన వెంకట్ పవన్ తో బంధం గురించి ఆసక్తికర వాఖ్యలు చేసారు.
జగన్ నిజం… పవన్ కళ్యాణ్ అందరినీ నమ్మేసి మోసపోతాడు…
పవన్ కళ్యాణ్ ‘బాలు’ సినిమా అప్పటి నుండి బాగా తెలుసు, అప్పటి నుండి నాకు పవన్ కి మధ్య స్నేహం మొదలయింది. అయితే ‘గుడుంబా శంకర్’ సమయంలోనే నాగబాబు గారు పరిచయం ఉన్నారు. నేను పవన్ కళ్యాణ్ ను సొల్ మేట్ అని పిలుస్తాను. అదేదో ఫ్యాషన్ కోసం నేను అలా పిలవను నాకు నిజంగా మా ఇద్దరి భావాలు కలిసాయి అనిపించింది కాబట్టే అలా పిలుస్తాను. పవన్ అంటాడు ఒక చిన్న పరిచయం కూడా విధి రాసిపెట్టుంటే జరుగుతుంది అని మనం కలవడం కూడా విధే అని చెప్పాడు. ఇక పవన్ రాజకీయాల్లోకి రావాలని అనుకుంటున్నట్లు నాకు ఎప్పటి నుండో తెలుసు.
పవన్ ఎపుడూ అంటుంటాడు నా పని ఇది కాదు నేను ఇంకేదో చేయాలి అని చాలా సార్లు అంటుండేవాడు. అయితే తాను రాజకీయాల్లో ఉన్నంత మాత్రాన మా మధ్య స్నేహం పోదు. గతంలో ఒక ఇంటర్వ్యూలో జగన్ వాస్తవం, చంద్రబాబు అపద్ధం, పవన్ కళ్యణ్ అమాయకుడు అని తాను తొందరగా ఎవరినైనా నమ్మేస్తాడు నమ్మి మోసపోయాక మళ్ళీ మోసపోయానని బాధపడతాడు. అసలు అంత త్వరగా నమ్మడం ఎందుకు మళ్ళీ బాధపడటం ఎందుకు ఆ విషయం నేను ఇంటర్వ్యూలో చెబితే దాని ఇంకోలాగా అర్థం చేసుకుని పవన్ కళ్యాణ్ అభిమానులు నన్ను ట్రోల్స్ చేసారు అని కోన అభిప్రాయపడ్డారు.
