Kona Venkat : తెలుగు సినిమా రైటర్, ప్రొడ్యూసర్ గా గుర్తింపు తెచ్చుకున్న కోన వెంకట్, తన పంచ్ డైలాగులకు బాగా ఫేమస్. అమ్మ నాన్న ఓ తమిళ అమ్మాయి, దూకుడు, అదుర్స్, అల్లుడు శీను వంటి సినిమాల ద్వారా మంచి గుర్తింపు తెచ్చుకున్నాడు. కెరీర్ మొదట్లో హిందీ సినిమాలకు డబ్బింగ్ రైటర్ గా పనిచేసిన కోన వెంకట్ దాదాపు 50 సినిమాలకు పనిచేసాడు. ఇటీవలే తాను సినిమాల్లోకి వచ్చి ఇరవై ఏళ్ళు గడిచిన సందర్బంగా సెలెబ్రేట్ చేసుకున్నారు. ఇక ఇండస్ట్రీ లో కోన వెంకట్ కు మొదటి నుండి ఆర్జివి తో అనుబంధం ఉంది, ఆ తరువాత పూరి జగన్నాథ్ తో స్నేహం ఉంది. ఇక పూరి ఈ మధ్య బాగా ఫ్లాప్స్ చూస్తున్న తరుణంలో కోన, పూరి గురించి ఆసక్తికర వాఖ్యలు చేసాడు.
జగన్ కి స్పీడ్ ఎక్కువ…
పూరి జగన్నాథ్ తో పరిచయం ఎప్పటి నుండో ఉన్నా కలిసి పనిచేసింది ‘అమ్మ నాన్న తమిళ అమ్మాయి’ సినిమా కోసమే అంటూ కోన చెప్పారు. పూరి స్వతహాగా రైటర్ కావడం వల్ల తన సినిమా కథ తానే రాసుకుంటాడు. అలానే డైలాగులు రాసుకుంటాడు. అయితే పూరి ఎందుకనో కొంచెం పంథా మార్చాలి అనుకున్నపుడు నా లాంటి రైటర్ కి అవకాశం ఇస్తాడు అలా అమ్మ నాన్న తమిళ అమ్మయి సినిమాలో పనిచేశాము.
ఇక మళ్ళీ ‘ఆంధ్రావాలా’ లో కలిసి పనిచేసాము. అయితే పూరికి అవసరం లేదు రైటర్ తో కాకపోతే తనకు స్క్రీన్ ప్లే విషయంలో ఒకరు అవసరం అని నా అభిప్రాయం. ఎందుకంటే తాను చాలా స్పీడ్ గా పని చేస్తాడు. వేగం ఎప్పుడైనా ప్రమాదమే, తప్పులు జరుగుతాయి. అందుకే తన సినిమా విషయంలో తప్పులు జరుగుతున్నాయి. అదే స్క్రీన్ ప్లే దగ్గర ఎవరైనా సహాయం చేస్తే తప్పులు జరగవని నా అభిప్రాయం అంటూ చెప్పారు.
