Kongara Jaggayya : కేవలం హీరో పాత్రలకే పరిమితమవ్వకుండా, విలన్ పాత్రలతోను మెప్పించారు. ఇక క్యారెక్టర్ ఆర్టిస్ట్ గాను ఎన్నో పాత్రలకు జీవం పోశారు. ఆయన గాత్రం ఇంకా ఫేమస్, కంచు కంఠం అనే బిరుదు కూడా తెచ్చుకున్న ఆ అలనాటి నటులు కొంగర జగ్గయ్య గారు సినిమా నటుడుగా మాత్రమే చాలా మందికి తెలుసు. కానీ ఆయన ఇండియాలోనే మొదటిసారిగా సినిమా నటుడు లోక్ సభ కు ఎంపీ అయ్యారని చాలా మందికి తెలియదు.
ఎన్టీఆర్ కంటే ముందే రాజకీయాల్లో తెలుగు నటుడు…
అన్న ఎన్టీఆర్ తెలుగుదేశం పార్టీ పెట్టి రాజకీయ చైతన్యం తెచ్చారు. ఆయన పార్టీ పెట్టి చాలా మంది సినిమా వాళ్ళు రాజకీయంగా కూడా అడుగులేశారు. ఇక ఈవిషయం అందరికీ తెలిసిందే కానీ రాజకీయాల్లోకి వచ్చిన సినిమా వాళ్లలో మొదటి వాడు మాత్రం ఎన్టీఆర్ కాదు. అసలు ఇండియన్ సినిమా నటులలోనే మొదటి సారి రాజకీయ ప్రవేశం చేసి ఎంపీ గా, అదికూడా భారీ మెజారిటీ తో గెలిచిన వ్యక్తి కొంగర జగ్గయ్య గారు. ఆయన సొంతూరు తెనాలి, మరో ఆశ్చర్యకర విషయం ఎన్టీఆర్, జగ్గయ్య ఇద్దరూ ఒకే కాలేజీ లో చదివారు. జగ్గయ్య గారు ఎన్టీఆర్ కు సీనియర్, ఆయనతో కాలేజీ అప్పుడే పరిచయం ఉంది. ఇక జగ్గయ్య గారు 1967 లో ఒంగోలు పార్లమెంట్ సీటు కి పోటీ చేసి 80 వేలకు పైగా మెజారిటీ తో గెలుపొందారు.
జగ్గయ్య గారు మొదట జయ ప్రకాష్ గారి ప్రజా సోషలిస్ట్ పార్టీ లో కాలేజీ రోజుల్లోనే చేరినా, ఆ తరువాత 1956 లో భారత జాతీయ కాంగ్రెస్ లో చేరి 1967 లో లోక్ సభ ఎంపీ అయ్యారు. అలా మొదటి సినిమా వ్యక్తి ఇండియన్ పొలిటికల్ లోకి వచ్చారు. కానీ ఈ విషయం చాలా మందికి తెలియదు. అంతే కాక జగ్గయ్య గారు రవీంద్ర నాథ్ ఠాగూర్ రచనలను రవీంద్ర గీత పేరుతో తెలుగులోకి అనువదించారు.
