Krishna Makeupman Madhavarao : సూపర్ స్టార్ కృష్ణ గారి మేకప్ మాన్ గా కొన్నేళ్లుగా పనిచేస్తున్న మాధవరావుగారు కృష్ణ గారు మరణించాక ఆయనతో ఉన్న అనుబంధాన్ని, స్మృతులను పలు ఇంటర్వ్యూల్లో పంచుకుంటున్నారు. కృష్ణ గారి చివరి సినిమా ‘శ్రీ శ్రీ’ వరకు కూడా మాధవరావు గారే మేకప్ వేశారు. ఇక కృష్ణ గారు మరణించాక ఆయన పార్థివ దేహాన్ని కూడా తుడిచి ఆయనే సిద్ధం చేశారట. అంత్యక్రియల సమయంలో కూడా ఆయనే స్నానం చేయించి బొట్టు పెట్టి చేసానని ఆయన నన్ను మేకప్ మాన్ గా కంటే ఒక సోదరుడిలాగా, స్నేహితుడిలాగ చూసారంటూ కృష్ణ గారి గురించి మాట్లాడారు మాధవరావు గారు. ఇక అప్పట్లో మేకప్ ఎలా ఉండేది బ్లాక్ అండ్ వైట్ కి కలర్ సినిమాలకు మేకప్ లో తేడాలేమిటి లాంటి విషయాలను మాధవరావు గారు పంచుకున్నారు.
జుట్టున్నా విగ్ పెట్టేవారు.. మహేష్ కు విగ్…
అసాధ్యుడు సినిమాలో మొదటి సారిగా కృష్ణ గారికి విగ్ పెట్టినట్లు మాధవరావు గారు తెలిపారు. అప్పుడు ఆయనకు జుట్టు ఉన్నా సినిమాలో హీరో పాత్రకు డిఫరెంట్ హెయిర్ స్టైల్ ఉండాలని పెట్టేవారు. అలా అసాధ్యుడు సినిమాకి పెట్టినా సహజంగా కృష్ణ గారి విగ్ ఉండేది. ఇక అలా విగ్ పెట్టుకోవడం వల్ల ఆయనకు జుట్టు రాలిపోయి బట్టతల వచ్చింది.
ఇక మహేష్ కు కూడా మేకప్ వేసానని మాధవరావు గారు తెలిపారు. కొడుకు దిద్దిన కాపురం సినిమాలో మేకప్ చేశాను, అలాగే మహేష్ కూడా కొంచెం విగ్ వాడుతారంటూ ఆయనకు కొంచెం జుట్టు పలుచగా ఉంటుంది అందుకే వాడుతారు అంటూ చెప్పారు. ఇక ఇప్పుడు మహేష్ కి మేకప్ మాన్ గా ఉన్నది నా మేనల్లుడు పట్టాభి అంటూ మాధవరావు గారు తెలిపారు.
