Krithi Shetty : ‘ఉప్పెన’ సినిమాతో తెలుగులో ఒక్కసారిగా క్రేజ్ తెచ్చుకున్న కన్నడ బ్యూటీ కృతి శెట్టి. బేబమ్మ గా తెలుగు ప్రేక్షకుల మధ్య మంచి గుర్తింపు తెచ్చుకున్న కృతి ఉప్పెన సినిమా క్రేజ్ తో వరుస అవకాశాలను అందుకుంది. ఒకదాని తరువాత ఒకటి వరుస సినిమాలను చేస్తూ వచ్చింది. ఉప్పెన తరువాత వచ్చిన శ్యామ్ సింగ్ రాయ్, ఆ తరువాత వచ్చిన బంగార్రాజు సినిమాలు మంచి హిట్స్ అవడం తో ఇక అమ్మడు కెరీర్ టాప్ గేర్ లో ఉందని అందరూ అనుకున్నారు. ఇక చేతినిండా సినిమాలతో కృతి కూడా బిజీ అయిపోయింది.
వరుస ఫ్లాపుల వల్ల షాకింగ్ నిర్ణయం…
ఇక బేబమ్మ ఇటీవల తీసిన సినిమాల్లో నితిన్ తో చేసిన ‘మాచర్ల నియోజకవర్గం’, రామ్ పోతినేని ‘వారియర్’, సుధీర్ బాబు ‘ఈ అమ్మాయి గురించి మీకు చెప్పాలి’ సినిమాలు వరుసగా విడుదలై ఫ్లాపులు అయ్యాయి. ఇక వరుస ఫ్లాపులతో కొంచెం బాధలో ఉండటం సహజమే కానీ మరీ ఇంతలా బాధపడి సినిమాలకు విరామం ఇవ్వాలనే నిర్ణయం తీసుకుంది. రీసెంట్ గా ఒక ఇంటర్వ్యూలో తాను సినిమాలకు కొంత విరామం ఇవ్వాలనుకుంటున్నట్లు చెప్పి షాకిచ్చింది.
ఏంటి కృతి కెరీర్ అన్నాక హిట్లు ఫ్లాపులు కామన్ కదా దానికే నువ్వు సినిమాలనుండి పక్కకి పోవాలనే డెసిషన్ తీసుకుంటే ఎలా అంటూ అభిమానులు అడుగుతున్నారు. నీకు ఫ్లాపులు ఎదురవడానికి కారణం నీకు స్టోరీ సెలక్షన్ రాకపోవడమే, అది సరిచేసుకో మళ్ళీ కెరీర్ గాడిలో పడుతుంది అంటూ సలహా ఇస్తున్నారు. కానీ బేబమ్మ మాత్రం కొంత కాలం సినిమాలనుండి గ్యాప్ తీసుకుని మళ్ళీ చదువుకోవాలని అనుకుంటోందట.
