Lakshmi : ఓ బేబీ సినిమాతో మళ్ళీ హుషారుగా నటించి మెప్పించిన అలనాటి తార లక్ష్మి చాలా సినిమాల్లో హీరోయిన్ గా చేసింది. ఒకే భాషకు పరిమితం కాకుండా తమిళ, కన్నడ, హిందీ అంటూ చాలా భాషల్లో నటించి గుర్తింపు తెచ్చుకున్న మహాలక్ష్మి సొంతూరు నెల్లూరు. అయితే తండ్రి, తల్లి, అమ్మమ్మ అందరూ సినిమా పరిశ్రమకు చెందిన వారు కావడంతో చెన్నై లో స్థిరపడ్డారు. అలా లక్ష్మి చెన్నై లో జన్మించారు. బ్రాహ్మణ కుటుంబానికి చెందిన ఎర్రగుడిపాటి లక్ష్మి తండ్రి వై వి రావు దర్శకులు, నటులు.
హిందీ సినిమాకు ఫిలిం ఫేర్ అవార్డు…
లక్ష్మి సినిమా ప్రయాణం తమిళ సినిమాతో మొదలయింది. ఆ తరువాత తమిళ, తెలుగు, కన్నడ హిందీ లలో నటించింది. హిందీలో నటించిన తొలి సినిమా ‘జూలీ’ లో తన నటనకు ఫిలిం ఫేర్ అవార్డు కూడా తెచ్చుకుంది లక్ష్మి. అలా బాలీవుడ్ లో అవార్డు అందుకున్న తెలుగు నటిగా గుర్తింపు తెచ్చుకుంది. హీరోయిన్ గా చాలా సినిమాల్లో చేసిన లక్ష్మి ఆ తరువాత క్యారెక్టర్ ఆర్టిస్ట్ గా కూడా నటించింది.
చాలా సినిమాల్లో తల్లి పాత్రలలో అలాగే విలన్ పాత్రలలో మెప్పించిది. తన లైఫ్ బెస్ట్ పెర్ఫార్మన్స్ మాత్రం ‘మిథునం’ సినిమా అనే చెప్పాలి. మిథునం లో బాలసుబ్రమణ్యం గారితో ఆమె నటన చాలా బాగుంటుంది. ఇక మళ్ళీ ఓ బేబీ సినిమాల్లో పాత్రలో చాలా చక్కగా ఒదిగిపోయారు లక్ష్మి. ఇక లక్ష్మి కూతురు ఐశ్వర్య కూడా హీరోయిన్ గా ఇండస్ట్రీ లో అడుగుపెట్టి పలు సినిమాల్లో నటించింది. ఇక ప్రస్తుతం అవకాశాలు సన్నగిల్లి ఆర్థిక ఇబ్బందుల్లో ఉన్నట్లు ఇటీవలే ఐశ్వర్య చెప్పడం, సబ్బులు అమ్ముకుంటూ జీవనం సాగిస్తున్నానని చెప్పడం విశేషం.
