Lyricist Ananth sriram : తన కలంతో అద్భుతమైన పాటలను రాస్తూ సినిమాలలో తన సాహిత్యంతో పేరు పొందిన పాటల రచయిత అనంత్ శ్రీరామ్. చిన్న వయసులోనే తన పాటలతో మంచి పేరు తెచ్చుకున్న అనంత్ శ్రీరామ్ తాజాగా ఒక వివాదంలో ఇరుక్కున్నారు. దివంగత రాజకీయ నాయకుడి గురించి వివాదాస్పద వ్యాఖ్యలు చేసారంటూ వదంతులు వ్యాపించాయి. జనసేన పార్టీ మద్దతుదారులు నిర్వహిస్తున్న పొలిటికల్ మిసైల్ అనే ట్విట్టర్ ఖాతా ద్వారా రాజశేఖర్ రెడ్డి గురించి తప్పుగా పోస్ట్ చేసినట్లు వార్తలు రావడం జరిగింది.
అది నేను కాదు… నాకు ఏ పాలిటికల్ పార్టీతో సంబంధం లేదు…
తాజాగా అనంత్ శ్రీరామ్ ఒక సెల్ఫీ వీడియో ద్వారా ఈ ఇష్యూ మీద క్లారిటీ ఇచ్చారు. తనపై వస్తున్న రూమర్స్ అపద్దమని, పొలిటికల్ మిసైల్ అనే ట్విట్టర్ ఖాతా నాకు లేదని చెప్పారు. అన్ని పొలిటికల్ పార్టీలకు పాటలు రాస్తాను కానీ వ్యక్తిగతంగా ఏ పార్టీ కోసం పనిచేయడం లేదంటూ చెప్పారు.
ఒకవేళ భవిష్యత్తులో ఏదైనా పార్టీకి సపోర్ట్ చేయాలనుకుంటే తన అధికారిక ఖాతా ద్వారా తెలియజేస్తాను కానీ పేరు, ఊరు లేని ఖాతాలతో చెప్పనని, ఎవరో తన పేరును వాడుకుని ఇలాంటి పోస్ట్లు పెట్టారంటూ ఈ విషయంలో వైసీపీ శ్రేణులకు అలాగే ప్రజలకు క్లారిటీ ఇవ్వలనే వీడియో సోషల్ మీడియాలో పోస్ట్ చేసినట్లు తెలిపారు. ప్రస్తుతం అమెరికాలో ఉన్న అనంత్ శ్రీరామ్ గారు త్వరలో హైదరాబాద్ వచ్చి తన పేరును వాడుకుని ఫేక్ ఐడెంటిటీ తో పోస్ట్లు పెట్టిన వారి గురించి సైబర్ పోలీసులకు ఫిర్యాదు చేయనున్నట్లు చెప్పారు.
