పిల్లలు సాధించిన విజయాలు చుస్తే ఆ తల్లిదండ్రుల ఆనందానికి మాటలుండవు.. ప్రస్తుతం సూపర్ స్టార్ మహేష్ బాబు సతీమణి నమ్రత శిరోద్కర్ అటువంటి ఆనందంలోనే ఉంది. కొడుకు గౌతమ్.. చిన్న వయసులోనే స్విమ్మింగ్లో రికార్డు సృష్టించాడు. తండ్రి మహేష్ బాబు తన సినిమాలతో రికార్డులు సృష్టిస్తుంటే తనయుడు గౌతమ్ స్విమ్మింగ్ లో రికార్డులు సృష్టిస్తూ తండ్రికి తగ్గ తనయుడు అనిపించుకున్నాడు. తాజాగా తెలంగాణ స్టేట్ స్విమ్మింగ్ పోటీలో టాప్ 8 స్విమ్మర్స్ లిస్ట్లో స్థానం సంపాదించాడు గౌతం ఘట్టమనేని.
ఈ నేపధ్యంలో కేవలం 15 ఏళ్ల వయసులోనే గౌతమ్ సాధించిన ఈ ఘనత పట్ల తల్లి నమ్రత సోషల్ మీడియాలో పోస్ట్ పెట్టింది నమ్రత. కొడుకు సాధించిన ఈ ఘనతకు తన సంతోషాన్ని వ్యక్తం చేస్తూ కొడుకుపై ప్రేమ కురిపించింది. 2018లోనే గౌతమ్ ఫ్రొఫెషనల్ స్విమ్మర్గా మారాడని, అప్పటినుంచి స్విమ్మింగ్లో సత్తా చాటుతున్నాడని ఆమె తెలిపింది. బటర్ ఫ్లై, బ్యాక్ స్ట్రోక్, బ్రెస్ట్ స్ట్రోక్, ఫ్రీ స్టైల్ అనే నాలుగు పద్ధతుల్లో ఈత కొట్టగల గౌతమ్, 3 గంటల్లో 5 కిలోమీటర్లు ఈదగలడని చెప్పుకొచ్చింది.
