Hero Nikhil : యంగ్ హీరో నిఖిల్ నటిస్తున్న ‘ది ఇండియన్ హౌస్’ సినిమా షూటింగ్లో పెను ప్రమాదం జరిగింది. సినిమాలోని కీలకమైన సముద్ర సన్నివేశాలను చిత్రీకరిస్తుండగా ఈ దుర్ఘటన చోటుచేసుకుంది. షూటింగ్ కోసం ఏర్పాటు చేసిన భారీ వాటర్ ట్యాంక్ ఒక్కసారిగా పేలిపోవడంతో, ఆ ప్రాంతం మొత్తం వరదలా మారిపోయింది.
ఈ ప్రమాదంలో అసిస్టెంట్ కెమెరామెన్కు తీవ్ర గాయాలయ్యాయి. ఇంకా కొంతమంది సిబ్బందికి కూడా గాయాలైనట్లు సమాచారం. హఠాత్తుగా ట్యాంక్ పగిలిపోవడంతో భారీ నష్టం వాటిల్లింది. ఈ సంఘటన శంషాబాద్ సమీపంలో చోటుచేసుకుంది. ప్రమాదం జరిగిన వెంటనే సహాయక చర్యలు చేపట్టారు. గాయపడిన వారిని దగ్గరలోని ఆసుపత్రికి తరలించి, మెరుగైన చికిత్స అందిస్తున్నారు. ఈ ఘటనతో సినిమా షూటింగ్కు తాత్కాలికంగా బ్రేక్ పడింది.
ప్రస్తుతం, పరిస్థితి అదుపులోనే ఉంది. జరిగిన నష్టంపై చిత్ర యూనిట్ ఆరా తీస్తోంది. భవిష్యత్తులో ఇలాంటి ప్రమాదాలు జరగకుండా జాగ్రత్తలు తీసుకుంటామని వారు తెలిపారు. ఈ ఘటనపై మరిన్ని వివరాలు తెలియాల్సి ఉంది.
హీరో నిఖిల్ సినిమా షూటింగ్లో ఊహించని ప్రమాదం: ది ఇండియన్ హౌస్ సెట్లో విషాదం!#HeroNikhil pic.twitter.com/UJMQDdOSKn
— TeluguDesk (@telugudesk) June 11, 2025
