ప్రకృతిలో ప్రతీదీ మానవుడికి ఉపయోగపడేవే. అయితే ఇందులో పువ్వులు, మొక్కలు, ఆఖరికి మొక్కల వేర్లు కూడా మనిషికి ఎంతగానో ఉపయోగపడతాయి. అటువంటి వాటిలో నేల ఉసిరి అనేది చాలా ఉపయోగపడుతుంది. నేల ఉసిరి మొక్క యొక్క వేర్ల నుంచి ఆకుల వరకు అన్నీ ఉపయోగపడేవే.
మన చుట్టూ పెరిగే కొన్ని మొక్కలు ఎంతగానో ఉపయోగపడతాయి.. కానీ వాటిని మనం పనికిరావనుకొని పీకేస్తుంటాం. ఇలా గుంటగలగర , సరస్వతి, ఉత్తరేణి, గరిక, అశ్వగంథ ఆకులు ఔషధ మొక్కల్ని పీకి పారేస్తుంటాం. అటువంటిదే.. నేల ఉసిరి కూడా. ఎన్నో వ్యాధుల నివారణకు ఈ మొక్క ఆకులు ఉపయోగపడతాయి. యాంటీ బాక్టీరియల్, యాంటీ ఇన్ఫ్లమేటరీ వంటి ఔషద లక్షణాలు నేల ఉసిరిలో ఉంటాయి.
పొత్తి కడుపులో మంట తగ్గడానికి నేల ఉసిరిని జ్యుస్ గా తీసుకుంటే ఎంతో మేలు చేకూరుతుంది. శరీరంలో ఎసిడిటీ, ఆమ్లత్వం నుండి ఉపశమనం పొందడానికి నేల ఉసిరి మంచి ఔషధంగా ఉపయోగపడుతుంది. మలబద్దకాన్ని కూడా ఇది నివారిస్తుంది. మూత్రపిండాల్లో పేరుకున్న రాళ్లను కరిగించడంలో కూడా ఇవి ఎంతగానో ఉపయోగపడతాయి. ఇంకా.. హెపటైటిస్, కామెర్లు, కాలేయ ఆరోగ్యానికి ఇది దివ్య ఔషధంగా ఉంటుంది.
కంటి సమస్యలతో బాధపడే వారికి నేల ఉసిరి రసాన్ని ఆయుర్వేద వైద్యులు ఉపయోగిస్తారు. మధుమేహ నివారణకు ఈ జ్యూస్ తాగడం చాలా మంచిది. చర్మ వ్యాధుల నుంచి ఉపశమనం పొందడానికి నేల ఉసిరి ఎంతగానో ఉపయోగపడుతుంది. ఆకలి లేనివారు నేల ఉసిరి మొక్క ఆకుల్ని ఉదయం సాయంత్రం నమిలితే ఆకలి వేస్తుంది. పశువులకు కళ్ల నుంచి నీరు గారే సమస్య ఉంటే.. నేల ఉసిరిని జ్యూస్ లా చేసి వాటి కళ్లల్లో వేస్తే నీరు కారడం ఆగిపోతుందట.
