Medico Preethi Sister : వరంగల్ కాకతీయ యూనివర్సిటీలో వైద్య విద్య లో అనస్థిషియా విభాగంలో పీజీ చేస్తున్న 26 ఏళ్ల ప్రీతి అనే యువతి ఆపరేషన్ థియేటర్లోనే ఆత్మహత్య చేసుకుంది. సీనియర్ వేధింపులు భరించలేక హానికర ఇంజక్షన్ వేసుకుని ఆత్మహాత్యకు పాల్పడింది. గాంధీ ఆసుపత్రిలో చికిత్స తీసుకుంటూ నిన్న తనువు చలించిన ప్రీతి విషయంలో సీనియర్ విద్యార్థి సైఫ్ వేధింపులే కారణం అంటూ ఆరోపిస్తున్న కుటుంబం సభ్యులు మాత్రం తాను ఆత్మహత్య చేసుకునేంత పిరికిది కాదు, వాళ్ళే ఏదో చేసారు అంటూ అనుమానాలు వ్యక్త పరుస్తున్నారు.
మా చెల్లిని కులం పేరుతో సెపరేట్ చేసారు…
కుటుంబంలో అందరికీ తనను కాలేజీ లో సీనియర్ విద్యార్థి ర్యాగింగ్ చేస్తున్న విషయం తెలిపిన ప్రీతి అంతలోనే ఇలాంటి అఘాయిత్యానికి పాల్పడదని ప్రీతి అక్క అభిప్రాయపడ్డారు. ఆ సీనియర్ విద్యార్ధికి రాజకీయ నాయకుల అండ ఉంది అని, హోమ్ మినిస్టర్ తెలుసనీ, అందుకే హెచ్ఓడి కూడా ఏమి చేయలేక పోతున్నాడని చెప్పేదని ప్రీతి అక్క చెప్పారు.
అయితే తనను కులం పేరుతో సెపరేట్ గా చూసేవారని ప్రీతిని కావాలనే అతను టార్గెట్ చేసి వేధించాడని, అయినా అతన్ని ఏమి చేయలేదని ఆరోపించారు. ఒకవేళ ఎక్కువగా టార్చర్ చేస్తుంటే వదిలేసి ఇంటికి వచ్చెయ్ అని కూడా చెప్పామని ప్రీతి అక్క కన్నీరుమున్నిరవుతున్నారు. కుల పిచ్చి ఇంత ఉంటుందని ఇలా నా చెల్లిని చేస్తారుసని అనుకోలేదంటూ ఎమోషనల్ అయ్యారు. నా చెల్లి ఆత్మహత్య చేసుకునేంత పిరికిది కాదు అంటూ చెప్పారు.
