Meghana : బుల్లితెర మీద యాంకర్ గా రానిస్తూ ఇప్పుడిప్పుడే గుర్తింపు తెచ్చుకుంటున్న యాంకర్ మేఘన ప్రేమించిన వ్యక్తిని పెళ్లి చేసుకోబోతోంది. ఆది కూడా మెగా కుటుంబానికి కోడలు కాబోతోంది. ఇంతకీ ఆమె పెళ్లి చేసుకోబోయే వాడు ఎవరంటే మెగాస్టార్ చిరంజీవి అన్న కొడుకు. మెగాస్టార్ సొంత అన్న కాదు కానీ వాళ్ళ బంధువే అయిన సోదరుడి కొడుకు పవన్ తేజ్ ని మేఘన పెళ్లి చేసుకోబోతోంది.
సినిమాలో మొదలైన ప్రేమ…
పవన్ తేజ్ మెగా వారింటి అబ్బాయి కావడంతో ఉప్పెన, రంగస్థలం వంటి సినిమాల్లో చిన్న పాత్రలు చేసాడు. ఇక హీరో గా ‘ఈ కథలోని పాత్రలు కల్పితం’ అనే సినిమాలో నటించినా ఆది ఎప్పుడు వచ్చింది ఎవరికీ తెలియదు. ఇక ఆ సినిమాలో మేఘన హీరోయిన్ గా నటించింది. అప్పుడే ఇద్దరి మధ్య పరిచయం ఏర్పడి ప్రేమగా మారింది. ఇక మేఘన పుట్టింది హైదరాబాద్ అయినా వారి స్వస్థలం కాకినాడ, తండ్రి కాకినాడ లో పోలీస్ డిపార్ట్మెంట్ లో పనిచేస్తున్నారు.
పలుకుబడి ఆస్తిపాస్థులు ఉన్న కుటుంబం కావడంతో కొణిదెల ఫ్యామిలీ కూడా ఒప్పుకుంది. ఇక వీరి పెళ్ళికి గ్రీన్ సిగ్నల్ రావడంతో ప్రస్తుతం ఘనంగా వీరి ఎంగేజ్మెంట్ జరిగింది. ఇక ఈ వేడుకకు చిరంజీవి సతీమణి కొణిదెల సురేఖ వచ్చి ఆశీర్వాదం ఇచ్చారు. ఇక యాంకర్ సుమ, రాజీవ్ కనకాల, అలాగే డైరెక్టర్ మెహర్ రమేష్ వచ్చి ఆశీర్వాదం ఇచ్చారు. మేఘన సినిమాల్లో నటించినా పెద్దగా గుర్తింపు రాకపోవడంతో బుల్లితెర మీద యాంకర్ గా చేస్తోంది. ఇప్పుడిప్పుడే కొన్ని షోలలో రానిస్తోంది యాంకర్ మేఘన.
