Minister RK Roja : సినిమాల్లో హీరోయిన్ గా ఎంతో మంది అభిమానులను సొంతం చేసుకుంది. అగ్ర హీరోయిన్ గా ఎన్నో సినిమాలలో కొన్నేళ్లు టాప్ లో ఉన్న రోజా అన్ని భాషల్లోనూ హీరోయిన్ గా నటించింది. ఇక పెళ్లి చేసుకుని సెకండ్ ఇన్నింగ్స్ లో సినిమాల్లో క్యారెక్టర్ ఆర్టిస్ట్ గా నటించిన రోజా అటు బుల్లితెర మీదా అదరగొట్టింది. మోడరన్ మహలక్ష్మి తో మొదలు పెట్టి జబర్దస్త్ తో మరోసారి మంచి ఫామ్ లోకి వచ్చింది. అటు రాజకీయాల్లో బిజీగా ఉంటూనే ఇటు జబర్దస్త్ షో చేస్తూ ఉండే రోజా పాలిటిక్స్ లో మొదట టీడీపీ తో మొదలు పెట్టి ఆ తరువాత వైసీపీ లోకి వెళ్లి ప్రస్తుతం నగరి ఎమ్మెల్యే గా ఉంటూ అలానే మంత్రిగా జగన్ కేబినెట్ లో కొనసాగుతున్నారు. రాజకీయాల్లో వచ్చి ప్రజాసేవ చేస్తున్నారు రోజా.
అలాంటి ప్రశ్నలు అడగొద్ధు… వాళ్ళు పాలిటిక్స్ కి పనికిరారు…
ఏపీ సీఎం జగన్ పుట్టినరోజునాడు 2020 లో పుష్ప అనే ఒక అమ్మాయిని దత్తత తీసుకున్నారు. ఆ అమ్మాయి చదువు బాధ్యత నాదే అంటూ హామీ ఇచ్చారు. ఆ అమ్మాయి నేడు డాక్టర్ విద్య అభ్యసిస్తోంది. ఇక రోజా గారు 2021 లో నగరి నియోజకవర్గంలోని మీరా సాహెబ్ పాలెం అనే ఊరిని దత్తత తీసుకొని మోడల్ గ్రామంగా మార్చడానికి కృషి చేస్తున్నారు. ఇక ఇటీవల ఒక ఇంటర్వ్యూలో పాల్గొని మాట్లాడిన రోజా సినిమా ఇండస్ట్రీలోని వాళ్ళు రాజకీయాల్లోకి పనికిరారు అంటూ హాట్ కామెంట్స్ చేసారు. సినిమా వాళ్ళు ఒక పంజరంలో బ్రతుకుతుంటారని, వాళ్ళ చుట్టూ ఉన్నవాళ్లు నువ్వు తోపు అంటూ ఒక ఇమేజ్ లో పెట్టేస్తారు, అందులోనూ సినిమా వాళ్ళు సెన్సిటివ్ గా ఉంటారు, వాళ్ళు పాలిటిక్స్ లో ఓటమి వస్తే తట్టుకోలేరు అందుకే చిరంజీవి లాంటి వాళ్ళు పాలిటిక్స్ కి పనికిరారు అంటూ కామెంట్స్ చేసారు.
ఇక తాను ఇండస్ట్రీ నుండి వచ్చినా నా అన్నలు నన్ను ఆ ఇమేజ్ చట్రం నుండి బయటకు తెచ్చారు. నా సినిమాలను పొగిడేవాళ్ళు ఎంతమంది ఉన్నా మా ఒక అన్న నన్ను విమర్శిస్తూనే ఉంటాడు. అందుకే నాకు ఫ్లాప్స్ అయినా హిట్స్ అయినా ఒకేలా ఉన్నాను అదే రాజకీయాల్లో ఉపయోగపడింది అంటూ చెప్పారు. ఇక వ్యక్తిగత ప్రశ్నలు అడిగినా పర్వాలేదు కానీ వ్యక్తిత్వాన్ని కించపరిచే ప్రశ్నలు అడగవద్దు అంటూ ఇంటర్వ్యూలో సీరియస్ అయ్యారు మంత్రి రోజా. కాంగ్రెస్ నుండి టీడీపీ అక్కడి నుండి వైసీపీ లో ఉన్న రోజా నెక్స్ట్ పార్టీ మారితే ఏ పార్టీ వెళ్తారు అనే ప్రశ్నకు వైసీపీ నుండి ఏ పార్టీ కి వెళ్ళను, ఒకవేళ అధినేత పార్టీ నుండి వెళ్ళమంటే వేరే పార్టీలోకి చేరను. రాజకీయాలకు దూరంగా ఉంటాను అంటూ కుండ బద్ధలు కొట్టారు రోజా.
