Emotional movement in NTR ‘s career : జూనియర్ ఎన్టీఆర్ తెలుగు సినిమా పరిశ్రమలోకి నందమూరి నట వారసుడిగా అడుగు పెట్టినప్పటికీ తన కుటుంబం నుంచి తనకు సపోర్ట్ దొరకలేదు. నందమూరి కుటుంబం జూనియర్ ఎన్టీఆర్ ను దగ్గరకు రానివ్వలేదు. వారసుడిగా ఎంట్రీ ఇచ్చినా కూడా తన నటనతో ప్రతిభతో ఎదిగాడు జూనియర్ ఎన్టీఆర్. తాత లా ఉండే రూపం తనకు కలిసొచ్చింది. ఇక నటనలో తాతకు తగ్గ మనవడు అనిపించుకున్నాడు.నిన్ను చూడాలని,స్టూడెంట్ నెంబర్ వన్, సుబ్బు సినిమాల తర్వాత ఎన్టీఆర్ పేరు ఓ మోస్తరుగా ఆంధ్రప్రదేశ్లో వినిపించింది. అయితే ఈ గుర్తింపు ఎన్టీఆర్ కు అంత సులభంగా రాలేదు. తన కఠోర శ్రమ,ప్రతిభతో తెచ్చుకున్నాడు. తన నటన డాన్సులు ఫైట్ల విషయంలో తాతకు తగ్గ మనవడిని నిరూపించుకున్నాడు. తల్లిచాటు బిడ్డ గానే ఎన్టీఆర్ పెరిగాడు. తనను నందమూరి కుటుంబం దూరం పెట్టడంతో కసిగా తనని తాను నిరూపించుకున్నాడు. వారసుడిగా సినిమాల్లోకి అడుగు పెట్టిన కష్టపడి పైకొచ్చిన వాడిగా ఎన్టీఆర్ను సినీ పరిశ్రమలు అందరూ అంటారు.
బాబాయ్ చేతుల మీదుగా అవార్డు అందుకున్నప్పుడు ఉద్వేగానికి లోనైన ఎన్టీఆర్….
ఇక ఎన్టీఆర్ మూడో చిత్రం సుబ్బు తర్వాత కొంచెం కొంచెంగా నందమూరి అభిమానులు ఎన్టీఆర్ గురించి చెప్పుకోవడం మొదలుపెట్టారు. ఇక ఆ సమయంలోనే ఎన్టీఆర్ జీవితంలో ఒక మరపురాని సంఘటన జరిగింది. ఈ సంఘటనను నందమూరి అభిమానులు ఎప్పటికీ మరిచిపోలేరు. 2001 సినీ గోయర్స్ అవార్డుకు ఎన్టీఆర్ ఎంపికయ్యారు. ఇక అవార్డు ఇవ్వడానికి వచ్చిన అతిథి ఎవరో కాదు నందమూరి బాలకృష్ణ అలాంటి క్షణం కోసం ఎదురుచూస్తోన్న జూనియర్ ఎన్టీఆర్కు మాటలు రావడం లేదు. స్టేజ్ మీదకు వచ్చిన బాలయ్య ఎన్టీఆర్ కు అవార్డ్ అందజేసి ఎన్టీఆర్పై చేయి వేశాడు. వారిద్దరినీ పక్కపక్కనే చూడడానికి అభిమానులకు రెండు కళ్ళు సరిపోలేదు . ఎంతోకాలంగా బాబాయ్ అబ్బాయ్ లను పక్కపక్కన అభిమానులు ఆశపడ్డారు.
ఉద్వేగానికి లోనైన అభిమానుల చప్పట్లు, ఈలలతో సభప్రాంగణం మొత్తం మారుమ్రోగింది.ఇక అభిమానుల పరిస్థితే అలా ఉంటే ఎప్పటినుండో అలాంటి ఒక సంఘటన కోసం ఎదురుచూస్తోన్న ఎన్టీఆర్ పరిస్థితి ఇక మాటల్లో చెప్పలేము.అంతే వేదిక మీదే కన్నీరు పెట్టుకున్నాడు.ఇక బాలయ్య కూడా ఉద్వేగానికి గురయ్యాడు. ఎన్టీఆర్ వెంటనే తేరుకొని అప్పటికీ ఇప్పటికీ ఎప్పటికీ మా బాబాయ్ బాలకృష్ణ కింగ్ అని చెప్పారు. తాను ఈ రోజు ఈ స్థాయిలో ఉండడానికి కారణం తాతయ్య నందమూరి తారకరామారావు, మా నాన్న హరికృష్ణ, మా బాబాయ్ బాలకృష్ణ అని చెప్పాడు . ఇక బాలకృష్ణ కూడా ఎన్టీఆర్ తో ప్రేమగా మాట్లాడటం… ఆ ఉద్వేగపూరిత క్షణాలను నందమూరి అభిమానులు ఎప్పటికి మరచిపోలేరు.
